سرکل آفیسراینٹی کرپشن ملک ندیم کی سپیشل مجسٹریٹ کے ہمراہ کاروائی.

سیالکوٹ بیورو رپورٹ 

سرکل آفیسراینٹی کرپشن ملک ندیم کی سپیشل مجسٹریٹ کے ہمراہ کاروائی.

 پچاس ہزار روپے رشوت لیتے پراٸس کنٹرول مجسٹریٹ سوشل ویلفٸیر ملک عدنان گرفتار.

فرض شناس سرکل آفیسر اینٹی کرپشن سیالکوٹ انسپکٹر ملک ندیم منور نے رشوت ستانی شکایت پر ڈپٹی کمشنر سیالکوٹ آفس کے سپیشل پرائس کنٹرول مجسٹریٹ و سوشل ویلفیئر آفیسر سیالکوٹ ملک عدنان کو سپیشل مجسٹریٹ سیالکوٹ کے ہمراہ دوران کاروائی 50 ہزار روپے رشوت کی رقم سمیت رنگے ہاتھوں گرفتار کر لیا. اس موقع پر ڈپٹی ڈسٹرکٹ آفیسر سیالکوٹ سوشل ویلفیئر ملک عدنان پرائس کنٹرول مجسٹریٹ اپنی صفائیاں دیتے رہے کہ 50 ہزار روپے کی رقم مجھے غریبوں کی امداد کیلئے دی گئی ہے مگر دبنگ سرکل آفیسر اینٹی کرپشن سیالکوٹ انسپکٹر ملک ندیم منور نے سپیشل مجسٹریٹ سیالکوٹ کی موجودگی میں نشان زدہ نوٹ انکی جیب سے برآمد کر کے انہیں موقع پر ہتھکڑیاں پہنا کر بطور ایماندار و فرض شناس پولیس آفیسر اہنے فرائض منصبی بدرجہ اتم نبھائے. واضع رہے کہ ملک عدنان کی ریپوٹیشن بطور پرائس کنٹرول مجسٹریٹ یا ڈپٹی ڈسٹرکٹ آفیسر سوشل ویلفیئر سیالکوٹ پہلے بھی انتہائی خراب رہی ہے کیونکہ پہلے بھی رشوت ستانی و اختیارات کے ناجائز استعمال کیوجہ سے انکو متعدد بار سابقہ ڈپٹی کمشنرز سیالکوٹ بعداز انکوائری انکو ہٹاتے رہے ہیں جو میڈیا میں تسلسل سے رپورٹ ہوتا ریا ہے. اس کے علاوہ بے سہارا خواتین کے ادارہ دارالامان کی ایک بڑے عہدے پر فائز شخصیت کے ساتھ ملکر بطور ڈپٹی ڈسٹرکٹ آفیسر سوشل ویلفیئر سیالکوٹ ملک عدنان کے کردار اور کرپشن سے لی گئی کروڑوں روہے کی زاتی گاڑیوں و شاہانہ طرز زندگی بارے سوالات اتھتے رہے ہیں مگر اہم سیٹ پر براجمان اس کرپٹ بااثر سرکاری آفیسر کا کوئی کچھ بگاڑ نہ سکا. وزیراعلٰی پنجاب مریم نواز شریف سے سیالکوٹ کی وکلاء، صحافی سول سوسائٹی و عمائدین شہر کی اپیل ہے کہ دارالامان و سوشل ویلفیئر جیسے بے سہارا خواتین کے ادارے میں ایسے بدکردار و کرپشن زدہ کالے بھیڑیے کو ہٹا کر اس پر اینٹی کرپشن کے علاوہ نیب میں بھی کیس کر کے اسکے اثاثہ جات چیک کرائے جائیں تا کہ ایسے کرپٹ پرائس کنٹرول مجسٹریٹس و سرکاری آفیسر دیگر کرپٹ پریکٹسز میں ملوث افراد کیلئے مثال بنیں.

سیالکوٹ (بیورورپورٹ) 

پتنگ بازی جیسے خونی کھیل کو روکنے کیلٸے سیالکوٹ پولیس نے کاروائیوں کے ساتھ ساتھ شہریوں سے مدد بھی مانگ لی اور پولیس و سول سوسائٹی نے پتنگ بازی کیلٸے واک کا اہتمام کیا، سیالکوٹ پولیس نے پتنگ بازی جیسے خونی کھیل کو روکنے کیلٸے قانونی کاروائیوں کے ساتھ ساتھ شہریوں سے بھی اس قاتل کھیل کو روکنے کیلٸے مدد مانگ لی، ڈسٹرکٹ پولیس آفیسر حسن اقبال کی ہدایات پر مراد پور پولیس نے ایس ایچ او انسپکٹر میاں عبدالرزاق کی سربراہی میں سول سوسائٹی کے ہمراہ پتنگ بازی کے خلاف واک کا اہتمام کیا جس میں شہریوں کی کثیر تعداد نے شرکت کی، مراد پور پولیس کی پتنگ بازی کے خلاف واک کے دوران شہریوں نے پولیس کے اقدام کو سراہتے ہوئے پولیس پر پھول نچھاور کئے اور تعاون کی یقین دہانی کرائی۔

سیالکوٹ بیورو رپورٹ 

ملک بھر کی طرح یونین کونسل کھروٹہ سیداں سیالکوٹ شجر کاری مہم کا اغاز کر دیا گیا چیئرمین ولیج کمیٹی جیرام سید عارف حسین شاہ رہنما پاکستان مسلم لیگ نون سید کاظم رضا رضوی سیکرٹری یونین کونسل محمد وسیم عطاری چاند اور محمد صغیر  محمد فیضان مغل 

ودیگران نے یونین کونسل میں پودا لگا کر شجر قاری مہم کا اغاز کرکے سیکرٹری یونین کونسل کھروٹہ سیداں محمد وسیم عطاری چاند نے تمام اہل اسلام اور ملک کی سربلندی کے لیے خصوصی دعا کرائی۔

 سیالکوٹ بیورو رپورٹ 

 ڈپٹی کمشنر محمد ذوالقرنین اور رکن صوبائی اسمبلی چوہدری فیصل اکرام نے سنٹرز آف ایکسیلنس لیڈی اینڈریسن گرلز ہائیر سکینڈری اور پائلٹ سیکنڈری سکولز میں پودے لگا کر ضلع سیالکوٹ کے تعلیمی اداروں میں شجر کاری مہم کا افتتاح کردیا۔ ڈپٹی کمشنر محمد ذوالقرنین نے طلبہ و طالبات پر زور دیا کہ دین اسلام ہمیں درخت لگانے کی تعلیم دیتا ہے معاشرے کے ہر فرد کی ذمہ داری ہے کہ ماحول دوستی کا ثبوت دے اور اپنے حصے کا کم از کم ایک درخت ضرور لگائے۔ انہوں نے کہا کہ شجر کاری مہم کو کامیاب بنانے کیلئے کمیونٹی کی عملی شراکت ناگزیر ہے ان کے تعاون سے بغیر ملک و سر سبز و شاداب نہیں بنایا جاسکتا۔ انہوں نے کہا کہ پاکستان میں جنگلات کا تناسب 4 فیصد ہے جو عالمی انڈکس کے مطابق انتہائی کم ہے۔جنگلات کا تناسب کم از کم 20 فیصد رقبے پر جنگلات ہونے چاہئے۔ بعد ازاں ڈپٹی کمشنر سیالکوٹ محمد ذوالقرنین نے اقبال لائبریری پیرس روڈ سیالکوٹ کا دورہ کیا اور میونسپل کارپوریشن کی جانب سے وہاں پر جاری تزائین و آرائش کے منصوبے کا تفصیلی جائزہ لیا۔ انہوں لائبریری میں آنے والے بکس ریڈرز سے گفتگو کرتے ہوئے کہا کہ وہ کتاب انسان کی بہترین دوست ہے خود بھی پڑھیں اور اپنے دوستوں کو بھی کتب بینی کی جانب راغب کریں۔ قبل ازیں ڈپٹی کمشنر نے لیڈی اینڈریسن گرلز ہائیر سیکنڈری میں جماعت نہم  کے بورڈ کے امتحانات کیلئے قائم سنٹر کا بھی معائنہ کیا۔

سیالکوٹ بیورو رپورٹ 

ہر دل عزیز شخصیت سید محسن شاہ جو گزشتہ دنوں انتقال فرما گئے تھے ان کے اصال ثواب کے لیے دسویں کا ختم کھروٹہ سیداں میں پڑھا گیا ختم شریف میں پاکستان مسلم لیگ ق یو کے کے صدر سید رضوان ہاشمی پاکستان مسلم لیگ ن کے یوسی صدر شہزادہ سید خرم شاہ ان کے علاوہ سیاسی سماجی کارکنوں تاجر برادری مذہبی برادری وکلا برادری اور صحافی برادری کے علاوہ سول سوسائٹی نے کثیر تعداد میں شرکت کی ختم شریف کے اختتام پر دعائے خیر کی گئی اور گھر والوں کی طرف سے تمام احباب کے لیے روزہ افطار کا بندوبست کیا گیا تھا پاکستان مسلم لیگ ق یو کے کے صدر سید رضوان ہاشمی پاکستان مسلم لیگ نون کے یو سی صدر شہزادہ سید خرم شاہ نے مرحوم کے لواحقین سے اظہار تعزیت اور دعا کی۔

سیالکوٹ بیورو رپورٹ 

23 مارچ یوم پاکستان کے حوالے سے ڈسٹرکٹ کرکٹ ایسوسی ایشن سیالکوٹ اور عامر وسیم کرکٹ اکیڈمی نے ایک پُر وقار تقریب منعقد کی  جس میں ایم پی اے نوجوان قیادت چوہدری فیصل اکرام صاحب صدر ڈسٹرکٹ کرکٹ ایسوسی ایشن سیالکوٹ ملک فیصل خورشید سینئر نائب صدر ڈسٹرکٹ کرکٹ ایسوسی ایشن سیالکوٹ سہیل بٹ صاحب جنرل سیکرٹری عدنان شیرازی صاحب فنانس سیکرٹری اظہر حمید صاحب عامر وسیم کرکٹ اکیڈمی طیب عامر سینئر رہنما شجاعت علی پاشا صاحب اعجاز غوری صاحب چوہدری نصیر صاحب کاشف نیاز صاحب قیصر شاہ صاحب علی شاہ صاحب زین شاہ صاحب اور سیالکوٹ کرکٹ کمیونٹی سے وابسطہ اور سول کمیونٹی نے بھرپور شرکت کی سب شُرکا نے اظہار خیال کرتے ہوئے کہا کہ آزادی ایک نعمت ہے ہمارے بڑوں نے قربانی دی جس کی وجہ سے پاکستان معرض وجود میں آیا انشاءاللہ پاکستان قیامت تک قائم رہے گا پاکستان کے خلاف سازشیں کرنے والوں کو ناکامی کا سامنا ہے اور رہے گا اگر آزادی کی اہمیت کا پوچھنا ہے تو مقبوضہ کشمیر فلسطین کے بسنے والوں سے پوچھو ہم آزاد ملک ہیں اور ہمیں مکمل طور پر آزادی حاصل ہے اگر کسی نے غلطی سے بھی پاکستان کے خلاف سازش کی تو ان کو مُنہ کی کھانی پرے گی اور پاکستان کی سالمیت پر کوئی سمجھوتہ نہیں ہو گا پاک فوج جو بارڈر پر راتوں کو جاگ کر ڈیوٹی دیتے ہیں اور اپنی جانوں کا نذرانہ پیش کرتے ہیں جن کی وجہ سے ہم آزادی سے اس ملک میں رہ رہے ہیں ہم پاک فوج کو سلام پیش کرتے ہیں اور وہ ہمارے حقیقی ہیرو ہیں آخر پر مہمانان گرامی نے صدر ڈسٹرکٹ کرکٹ ایسوسی ایشن سیالکوٹ ملک فیصل خورشید اور عامر وسیم کرکٹ اکیڈمی کے طیب عامر کا 23 مارچ یوم پاکستان کے حوالے سے پُر وقار تقریب منعقد کرنے پر شکریہ ادا کیا.

سیالکوٹ (بیورورپورٹ) 

شہر اقبال، کینٹ، اگوکی، ہیڈمرالہ، سمبڑیال، ڈسکہ، موترہ، پسرور، بڈیانہ سمیت ضلع سیالکوٹ میں پتنگ بازی کے خلاف پولیس نے گرینڈ آپریشن کرکے سینکڑوں بچوں اور نوجوانوں کو گرفتار کرلیا، ضلع بھر میں اسپیشل ٹیمیں تشکیل دی گٸیں جنہوں نے پتنگ بازی کرنے والوں کو گرفتار کرکے مقدمات درج کٸے، اگوکی پولیس نے گاٶں شتاب گڑھا سے دینی جماعت کے طالب علم آٹھ سالہ راحت اور ارمان کو پتنگ بازی کرتے گرفتار کیا اور دوسرے تھانوں کی پولیس نے بچوں اور نوجوانوں کو گرفتار کرکے مقدمات درج کٸے، ڈی پی او  سیالکوٹ محمد حسن اقبال نے کہا کہ پتنگ بازی ایک خطرناک اور جان لیوا کھیل اور جرم ہے جس کی قانون میں سخت سے سخت سزا ہے اپنے بچوں کو پتنگ بازی کرنے سے روکیں تا کہ ان کا مستقبل خراب نہ ہو اگر آپ کا بچہ پتنگ بازی کرتے ہوئے پکڑا گیا تو اس کے خلاف مقدمہ درج ہوگا اور جب اسے نوکری یا بیرون ملک جانے کیلٸے کریکٹر سرٹیفکیٹ کی ضرورت پڑے گی تو اس میں ریکارڈ یافتہ لکھا جائے گا اس لٸے اپنے بچوں کو پتنگ بازی نہ کرنے دیں تاکہ آپ کے بچوں کا مستقبل محفوظ رہے۔

سیالکوٹ (بیورورپورٹ) 

تھانہ کوتوالی کے علاقہ پورنگر گلی نمبر 2 میں ایک سال بیاہے جانے والے نجی فیکٹری کے ملازم کو نامعلوم ملزم نے فاٸرنگ کرکے ہلاک کردیا نجی فیکٹری کے ملازم شیخوپورہ کے گاؤں ٹنڈی گروہ کے 23 سالہ محمد شعیب کو سیالکوٹ شہر کے پورنگر میں فاٸرنگ سے شدید زخمی ہوکر علاج معالجہ کیلٸے نہ لے جانے پر دم توڑ گیا جس کے گھر والے افسوس میں چلے گٸے اور پولیس نے کارواٸی کی بجاٸے اہل خانہ کو ڈرا دھمکا دیا ورثاء کے مطابق پولیس نے بے حسی کا مظاہرہ کیا اور پولیس افسران نے کارواٸی نہ کی ڈی ایس پی سٹی سیالکوٹ طارق محمود ڈھڈی کے مطابق واقعہ کی تحقیقات جاری ہیں اور پستول قبضہ میں لے لیا گیا ہے جاں بحق   محمد شعیب کا نکاح ایک سال قبل سیالکوٹ میں ہوا تھا لیکن بیوی کی رخصتی نہ کی گٸی تھی پولیس نے جاں بحق ہونے والے شعیب کے سسرال والوں کو حراست میں لیکر تفتیش شروع کردی ہے۔

سیالکوٹ (بیورورپورٹ)

 ڈسکہ روڈ پر گاٶں ساٸیداں والی میں کمرے میں شلف پر مٹی کے تیل کی بوتل پڑی ہوئی تھی جو 55 سالہ دلشاد بیگم کے اوپر گر گئی اور جب اور پھر عورت کچن میں چولہے کے پاس آئی تو تیل کی وجہ سے کپڑوں کو آگ لگنے  سے وہ 72 فیصد جل گٸی اور اسے گورنمنٹ علامہ اقبال ٹیچنگ ہسپتال سیالکوٹ منتقل کردیا گیا، ڈاکٹروں نے اسے طبی امداد دی لیکن چھاتی، ٹانگوں اور دونوں بازووں اور ہاتھ جل گٸے،

سیالکوٹ بیورو رپورٹ

 بلاتفریق برادری و فرقہ اور مذہب  دکھی انسانیت کی خدمت کرنے والے خواتین و حضرات اور رفاہی ادارے مبارک باد کے مستحق ہیں ان کی جتنی بھی حوصلہ افزائی کی جائے کم ہے۔ ان خیالات کا اظہار صدر انجمن مغلیہ سیالکوٹ فضل جیلانی چیئرمین ائیر سیال نے انجمن مغلیہ کے افطار ڈنر سے خطاب کرتے ہو ئے کیا۔ تقریب کی نظامت ڈاکٹر حنین گھمن نے کی۔ تقریب کی سب سے اچھی بات یہ تھی کہ اس میں جہاں مغل برادری کی اہم شخصیات جن میں انجینئر عمران اشرف سابق ایم پی اے،سیٹھ محمد یونس سرپرست اعلی، سابق صدر نعیم اختر، سابق چیئرمین سیالکوٹ ائرپورٹ بابر اقبال، شاہد افضل کھوکھر، ریحان مسعود، خلیفہ محمد امتیاز مغل،عبدالرحمن چغتائی،زین شبیر،حسیب احمد بھٹی، آصف ڈیورا،عرفان الٰہی،رانا سعید احمد،عبدالشکور مرزا،انجینئر عبدالواہب مرزا اور دیگر شامل تھے۔وہاں سیالکوٹ کی دیگر برادریوں کے اہم رہنماوں جن میں عامر مجید شیخ،خواجہ مسعود اختر،انجینئر خاور انور خواجہ، محمد حنیف خان،عمر میر، امین احسن، بابا جی اکبر، صوفی محمد یونس چودھری اور دیگر اہم شخصیات شامل تھیں نے شرکت اور انجمن مغلیہ کے رفاہی منصوبوں کے لئے دل کھول کر عطیات دئیے۔ صدر فضل جیلانی نے کہا کہ ان کے بزرگوں نے برصغیر کے ممتاز انجینئراور حضرت قائد اعظم کے ساتھی خان بہادر مرزا محمد دین کی قیادت میں بننے والی انجمن مغلیہ سیالکوٹ نے دکھی انسانیت کی خدمت کے جس سفر کا آج سے84 سال پہلے آغاز کیا تھا اسے وہ جاری رکھے ہوئے ہیں۔ انجمن کے زیر انتظام چلنے والے مغل جنرل ہسپتال میں عام مریضوں کا صرف پچاس روپے کی پرچی سے مفت علاج ہوتا ہے۔آنکھوں کامفت علاج اور آپریشن اور ہڈیوں کے تمام امراض کے علاج کے لئے لاہور کے گھرکی ٹیچنگ ہسپتال کے ممتاز ڈاکٹروں کے پینل کے ساتھ سٹیٹ آف دی آرٹ آپریشن تھیٹر کی سہولت فراہم کی گئی ہے۔ انہیں خوشی ہے کہ گذشتہ سال پچاس ہزار مریضوں نے ہسپتال سے استفادہ کیا جبکہ سیلاب زدگان اور فلسطین کے جنگ سے متاثرہ افراد کی مدد کے لئے خطیر رقوم بھی بطور عطیہ دی ہیں جبکہ مستحق اور ذہین طلبہ و طالبات کے وظائف کی اسکیم بھی شروع کی گئی ہے۔ فضل جیلانی نے اس کار خیر میں حصہ لینے تمام مخیر افراد کا دلی شکریہ ادا کیا اور مزید تعاون کی درخواست بھی کی۔ نائب صدر سیالکوٹ چیمبر عامر مجید شیخ نے انجمن مغلیہ کی فلاح انسانیت کی کوششوں کی تعریف کرتے ہوئے اپنی جیب سے پچاس ہزار کے عطیے کا اعلان کیا۔ قبل ازیں جنرل سیکرٹری انجمن مغلیہ شہباز شاکر نے انجمن کی سالانہ کارکردگی رپورٹ پیش کی۔ اس موقع پر انجمن کی سرگرمیوں اور سیالکوٹ کی تعمیر و ترقی میں مغل برادری کی خدمات پر مبنی دستاویزی فلم بھی دکھا?ی گئی۔ تقریب کے انجمن کی سرگرمیوں کے ساڑھے کروڑ روپے کے عطیات دینے کے اعلانات بھی کئے گئے۔

سیالکوٹ بیورو رپورٹ 

اسلام ہمیں انسانیت کا درس دیتا ہے.پروفیسر ارشد مرزا.

پریذیڈنٹ بیداری حناء نورین جہد مسلسل کانام ہیں.سوشل ڈویلپمنٹ ایکٹوسٹ.

رمضان المبارک میں مرزا عاشق حسین ویلفئیر ٹرسٹ و بیداری پلیٹ فارم کے زیر اہتمام رمضان پیکیج باعزت طور مفلس و نادار بہن بھائیوں کے گھروں میں پہنچ چکے ہیں.ہر سال ہماری کوشش ہوتی ہے کہ اللہ تعالیٰ کے دئیے رزق میں سے حکم خداوندی کے مطابق مفلس و نادار شہریوں کی دادرسی ممکن کی جاسکے . ان باتوں کا اظہار ایگزیکٹو ڈائریکٹر بیداری سیالکوٹ ارشد مرزا سماجی آڈیٹر و ٹرینر سوشل ڈویلپمنٹ نے سنئیر صحافی و اینکر پرسن خواجہ عامر جاوید کیساتھ ملاقات کے موقع پر کیا. سابق پرنسپل گورنمنٹ کالج سمبڑیال ارشد مرزا کا شمار شہر اقبال کے ان ثپوتوں میں ہوتا ہے جنہوں نے گزشتہ 40سال سے زائد عرصہ ایک شفیق معلم (پرنسپل جی سی کالج فار بوائز سمبڑیال) سے لیکر بطور سوشل ڈویلپمنٹ ایکٹوسٹ بیداری سیالکوٹ کے ایگزیکٹو ڈائریکٹر و سماجی سطح پر آڈیٹر ٹرینر اور سوشل موبلائزر ملکی و بین الاقوامی سطح پر وہ خدمات سرانجام دیں کہ جو صرف سادہ طبیعت و موثر شخصیت کے حامل اس مرد قلندر ہی کا خاصہ ہے. روپے پیسے کے لالچ سے بے لاگ ارشد مرزا واقعی میں معاشرتی سدھار کیلئے اپنی مثال آپ ہیں.