.png)
سیالکوٹ بیورو چیف سید عارف حسین شاہ
سیالکوٹ وزیرآباد ٹریک پر شہر اقبال سے پانچ کلو میٹر دور اگوکی ریلوے اسٹیشن کی دیکھ بھال نہ ہونے
سے یہ بند ہوکر رہ گیا اور مسافر ویگنوں و بسوں پر سفر کرنے پر مجبور ہوگئے، بند اگوکی ریلوے اسٹیشن
کی ریلوے لائنوں پر بطخوں کا رش رہا، سماجی کارکن محمد شفیق الرحمان کے مطابق ریلوے اسٹیشن اگوکی
کی حالت زار کی طرف توجہ نہیں دی اور شکایات کے باوجود کوئی کاروائی نہیں کی گئی، بند اگوکی ریلوے
اسٹیشن کے دفاتر کو تالے لگے رہے اور ریلوے افسران خاموش رہے، شہریوں محمد خالد حسین، طارق
ناصر، ناصر احمد، عبداللہ خرم اور نوید حیدر نے بند اگوکی ریلوے اسٹیشن سے ٹرینوں کی مکمل بندش پر
تشویش کا اظہار کرتے ہوئے ٹرینیں فوری شروع کرنے کا مطالبہ کیا
.png)
سیالکوٹ بیورو چیف سید عارف حسین شاہ
مسلم لیگ (ن) کی رکن قومی اسمبلی سیدہ نوشین افتخار نے کہا ہے کہ عوام کی فلاح اور مہنگائی کے
خاتمہ کیلئے عوام کے مفادات کیلئے حکومت کے اقدامات جاری ہیں، پبلک اکاؤنٹس کمیٹی کے اجلاس سے
خطاب کے دوران انہوں نے مزید کہا کہ مسلم لیگ (ن) کی حکومت نے ملک و قوم کے مفادات کیلئے
بھرپور جدوجہد کی ہے، انہوں نے کہا کہ موجودہ دور میں ماضی کی حکومت کی غفلت کی وجہ سے
مہنگائی ہوئی ہے، رکن قومی اسمبلی سیدہ نوشین افتخار نے کہا کہ جلد سابق وزیراعظم میاں نواز شریف
پاکستان میں واپس آجائیں گے اور مفادات کیلئے غفلت و لاپرواہی سے منفی سیاست کرنے والوں کا
بھرپور علاج ہوگا، انہوں نے کہا کہ منفی سیاست کرنے والے ناکام ہوچکے ہیں، رکن قومی اسمبلی سیدہ
نوشین افتخار نے کہا کہ نفرت و کرپشن کرنے والے گرفتار ہوکر جیل جائیں گے اور مسلم لیگ (ن) ایٹمی
اسلامی ملک پاکستان اور قوم کی خدمت کرتی رہے گی
سیالکوٹ بیورو چیف سید عارف حسین شاہ
سیالکوٹ ڈیفینس روڈ پر نادرا آفس مین برانچ دعوے دھرے کے دھرے رہ گئے اور ساڑھے تین بجے کی
دوسری شفٹ میں نئے کارڈز ہونے کے باوجود عملہ نے ٹوکن جاری نہ کیا، سماجی کارکن محمد فراز احمد
کے مطابق نیشنل ڈیٹا بیس اینڈ رجسٹریشن اتھارٹی کے دفتر میں عملہ نے جان بوجھ کر شہریوں کو ٹوکن
نہ دئیے جس کا نادرا حکام نوٹس لے کر ذمہ دار عملہ کے خلاف کاروائی کرے،بیس کاونٹر لگنے کے
باوجود صرف چار ملازمین ہی کام کرتے رہے جس کی وجہ سے عوام کا بیشمار رش شدید مشکلات کا
شکار رہا، شہریوں محمد مدثر عمران، بشیر تنویر، عامر نواز، حمید اللہ، محمد اکبر نوید اور صادق احمد
نے اعلی نادرا حکام سے ساڑھے تین بجے کے بعد شناختی کارڈ درخواستیں جمع نہ کرنے والوں کے
خلاف کارروائی کا مطالبہ کیا
سیالکوٹ بیورو چیف سید عارف حسین شاہ
سرکاری ملازمین دوران ڈیوٹی بدتمیزی والے واقعات اور غیرقانونی کاروائیوں کے خلاف ضلع بھر کے
سرکاری دفاتر میں ملازمین نے قلم چھوڑ ہڑتال کرکے احتجاجی مظاہرے کردئیے، آل پاکستان کلرکس
ایسوسی ایشن کے ضلعی صدر سید آصف علی کی قیادت میں سرکاری دفاتر کے ملازمین نے کام چھوڑ
ہڑتال کی، ملازمین نے دفاتر میں احتجاجی مظاہرے کرکے نعرے بازی کی اور سرکاری ملازمین کے ساتھ
بدتمیزی اور ناجائز کاروائیوں کی مذمت کی، احتجاج کرنے والے ملازمین سے خطاب کرتے ہوئے مقررین
نے کہا کہ ایٹمی اسلامی ملک پاکستان میں سرکاری ملازمین کو ناجائز تنگ کیا جارہا ہے اور ان سے غیر
قانونی کام کروانے کیلئے دباؤ ڈالا جارہا ہے، مقررین نے سرکاری ملازمین کے ساتھ ظلم و زیادتی کی مذمت کی
سیالکوٹ بیورو چیف سید عارف حسین شاہ
تھانہ کوتوالی پولیس نے ڈاکوؤں کے گینگ کے تین ارکان سے وارداتوں میں
چھینی جانے والی رقم، چار موٹر سائیکلیں اور ناجائز اسلحہ برآمد کرلیا، ڈی ایس
پی سٹی سیالکوٹ طارق محمود ڈھڈی کے مطابق ملزمان راشد سمیت تین ملزمان
نے وارداتیں کیں اور کوتوالی پولیس نے چھاپے مار کر تینوں ملزمان کو گرفتار
کرلیا، دوران تفتیش ملزمان کی نشاندہی پر وارداتوں میں چھینی گئی ہزاروں روپے
کی رقم، چار موٹر سائیکلیں اور ناجائز اسلحہ و گولیاں برآمد کرکے مقدمات درج
کئے، علاقہ مجسٹریٹ کے حکم پر تینوں ملزمان جوڈیشل ریمانڈ پر ڈسٹرکٹ جیل
سیالکوٹ بھجوادیئے گئے
سیالکوٹ بیورو چیف سید عارف حسین شاہ
نجی سیالکوٹ لاء کالج کی ایل ایل بی طالبات نے سابق ڈپٹی ڈائریکٹر پنجاب ٹیکسٹ بورڈ لاہور چوہدری
افضال کے ہمراہ ڈسٹرکٹ جیل سیالکوٹ کا دورہ کے دوران سپریٹنڈنٹ ڈسٹرکٹ جیل سیالکوٹ ملک بابر
سے ملاقات کے دوران قیدیوں اور ان کو ڈی گئی سہولیات بارے تبادلہ خیال کیا، سپریٹنڈنٹ ڈسٹرکٹ جیل
سیالکوٹ ملک بابر نے کہا کہ جیلوں میں قیدیوں کو گرفتاری کے بعد سہولیات فراہم کی جاتی ہیں اور
قیدیوں کا معیار زندگی بدلنے کیلئے جدوجہد کی جاتی ہے، قیدیوں سے ملاقاتوں میں طالبات نے تبادلہ خیال کیا
سیالکوٹ بیورو چیف سید عارف حسین شاہ
جماعت اسلامی کے امیدوار صوبائی اسمبلی پی پی 35 چوہدری فصیح الاسلام نے کہا ہے کہ ایٹمی اسلامی
ملک پاکستان میں حکومتی نااہلی کی وجہ سے ملک و قوم کے مسائل بہت بڑھ چکے ہیں، ان خیالات کا
اظہار انہوں نے عثمان ٹاؤن کوٹلی لوہاراں میں خطاب کے دوران کیا، حافظ محمد اکرم اعوان، یوتھ صدر
اسامہ بریار، چوہدری خلیل اور شیخ احمد حسن اور دیگر بھی موجود تھے، چوہدری فصیح الاسلام نے
مزید کہا کہ ہر دور میں جماعت اسلامی نے ملک و قوم کی خدمت کی ہے، انہوں نے کہا کہ ماضی کی
سیاست نے ہمیشہ ملک و قوم کے مسائل میں اضافہ کیا ہے، انہوں نے مزید کہا کہ آئندہ انتخابات میں
جماعت اسلامی بھرپور کامیاب ہوگی
سیالکوٹ بیورو چیف سید عارف حسین شاہ
مقبوضہ کشمیر سے آنے والے دریائے چناب میں ہیڈ مرالہ کے مقام پر پانی کی آمد بڑھ کر 67 ہزار آٹھ سو
پچاس کیوسک رہی اور عملہ دریائے چناب کی مکمل مانیٹرنگ میں مصروف رہا، دریائے جموں توی اور
دریائے منظور توی میں بھی پانی کی آمد ماضی سے بڑھ گئی، دریائے چناب سے نکلنے والے مرالہ راوی
لنک میں گیارہ ہزار دو سو بیس کیوسک پانی رہا اور یو سی سی نہر میں پانی کا بہاو تیرہ ہزار کیوسک
رہا، ڈپٹی کمشنر سیالکوٹ عدنان محمود اعوان نے دریائے چناب اور دوسرے دریاؤں و نہروں میں پانی
کی صورتحال کا جائزہ لیا اور عملہ کو مانیٹرنگ کی ہدایات جاری کیں
سیالکوٹ بیورو چیف سید عارف حسین شاہ
پنجاب بھر کے سرکاری ملازمین کا حکومت پنجاب کا سرکاری ملازمین کے ساتھ نا انصافیوں کے خلاف
لاہور میں احتجاجی دھرنا جاری، دھرنا میں دیگر اضلاع کی طرع سیالکوٹ سے سینکڑوں ملازمین نے
میاں امجد علی ضلعی صدر پنجاب ٹیچرز یونین سیالکوٹ کی قیادت میں شرکت کی، دھرنے میں اس بات کا
اعادہ کیا گیا جب تک حکومت پنجاب وفاق کی طرز پر 35 فیصد رننگ پے پر سیلری میں اضافہ، 17،50
فیصد پینشن میں آضافہ کا نوٹیفکیشن کر نہیں دیتی مزید LPR اور انکیشمنٹ لیو کا پرانا نوٹیفکیشن بحال
نہیں کر دیتی احتجاج جاری رہے گا واضح رہے کہ اس وقت ناصر باغ، استنبول چوک، ٹاون ہال اور
سیکرٹریٹ چوک میں سرکاری ملازمین کا سمندر ھے دوسری طرف صوبہ پنجاب کے ضلعی و دیگر دفاتر
میں مکمل تالا بندی کا اعلان کر دیا ھے اور آج سیالکوٹ میں ڈپٹی کمشنر آفس، اسسٹنٹ کمشنر آفس،
انجمن پٹواریوں، ایجوکیشن کمپلیکس سمیت تمام دفاتر میں مکمل تالا بندی ہوئی اور کوئی سرکاری کام نہ
ہو سکا، اور کل سے کوئی ٹیچر اور نہ کوئی سرکاری ملازم ڈینگی ایکٹیوٹی نہیں کرے گا اب ڈینگیں
ایکٹیوٹی کا مکمل بائیکاٹ ہو
سیالکوٹ بیورو چیف سید عارف حسین شاہ
پرائیویٹ سکولوں کی رجسٹریشن کیلئے تمام ڈپٹی کمشنر کے ماتحت کمیٹیوں کو بحال کردیا گیا۔ سکول
ایجوکیشن ڈیپارٹمنٹ نے تمام ڈپٹی کمشنرز کو مراسلہ جاری کردیا۔رجسٹریشن کمیٹی کا چیئرمین تمام
اضلاع میں ڈپٹی کمشنرز ہونگے ۔ ممبران میں ڈسٹرکٹ مانیٹرنگ آفیسر، پرائیویٹ سکول کا نمائندہ اور
ایک پیرینٹس کا نمائندہ بھی شامل ہوگا۔ڈی سی کیجانب سے نامزد کمیٹی سکول وزٹ کرکے ادارے کو این
او سی جاری کرے گی۔پنجاب پرائیویٹ ایجوکیشنل انسٹیٹیوٹ اینڈ ریگولیٹری اتھارٹی سکولوں
کو رجسٹریشن جاری کرے گی
