فیڈریشن آف پاکستان چیمبرز آف کامرس اینڈ انڈسٹری (FPCCI) کےصدر کی جانب سے فیڈریشن کے انتظامی و مالی امور کی انجام دہی میں اختیارات سے تجاوز پر DGTOکی جانب سے وضاحت طلب کرنے پر تعاون

 

سیالکوٹ بیورو رپورٹ

 ڈپٹی کمشنر عدنان محمود اعوان نے کہا ہے کہ وزیر آباد روڈ  اور پسرور روڈ سمیت دیگر جاری روڈ سیکٹر

 اسکیموں کی جلد از جلد تکمیل کو یقینی بنانے کیلئے حکومت پنجاب سے 2ارب روپے  فنڈز کے اجراء کیلئے

 درخواست کی گئی ہے،  ایکسپورٹ پراسیسنگ زون میں سپورٹس گڈز /میٹریل ٹیسٹنگ لیب کیلئے پی سی ون

 کی منظوری کے بعد ٹینڈرز کا جلد اجراء ہوجائے گا۔ یہ بات انہوں نے ڈسٹرکٹ کوارڈینیشن کمیٹی برائے

 ٹریڈ اینڈ انڈسٹریز سیالکوٹ کے اجلاس سے خطاب کرتے ہوئے بتائی۔ صدر ایوان صنعت و تجارت ملک

 عبدالغفور، نائب صدر، اعجاز غوری، ڈی او انڈسٹریز راشدہ بتول، ڈی او ماحولیات وسیم چیمہ، ڈی ڈی لیبر

 طیب ورک، ڈی ایس پی ٹریفک محمد قاسم،ڈپٹی ڈائریکٹر زراعت ڈاکٹر سجاد، ڈی ایف سی نصراللہ، ایس ڈی

 او ہائی وے صائم، اے ڈی ٹیکنیکل محسن علی گیلانی اور سوشل ویلفئیر آفیسر ملک عدنان بھی موجود تھے۔
ڈپٹی کمشنر عدنان محمود اعوان نے کہا کہ صنعت زار سیالکوٹ میں ای بزنس سمیت ایسے کورسسز کا

 اجراء کیا جائے    جن مارکیٹ میں جاب ڈیمانڈز سے مسابقت رکھتے ہوں۔ انہوں نے کہا کہ ایوان صنعت و

 تجارت اس ضمن میں صنعت زار سیالکوٹ  میں ایسے کورسسز متعارف کروانے میں معاونت فراہم کریں۔

 انہوں نے کہا کہ سیفر سٹی پراجیکٹ پر عملدرآمد کیلئے نومبر میں ٹینڈرز کردئیے جائیں گے اور ٹریفک

 کے کنٹرول کرنے کیلئے ٹریفک سنگنلز کیلئے میونسپل کارپوریشن سیالکوٹ نے ٹینڈرنگ پراسس مکمل

 ہو چکا ہے اور جلد ٹریفک سنگنلز کی تنصیب کا کام شروع کر دیا جائے گا۔ ڈپٹی کمشنر عدنان محمود

 اعوان نے کہا کہ ماحولیاتی آلودگی پر قابو پانے کیلئے ٹینریوں کی ٹینری زون میں منتقلی کاؤنٹ ڈاؤن

 شیڈول جاری کردیا گیا جس میں نقشہ کی منظوری، تعمیراتی کام کا آغاز اور تکمیل کے بعد ٹینری کی

 مشینری کی انسٹالیشن کیلئے ڈیڈ لائنز جاری کردی گئیں ہیں۔

سیالکوٹ بیورو رپورٹ،

ڈپٹی کمشنر سیالکوٹ عدنان محمود اعوان  سے کوآرڈینیٹر ایشین ڈویلپمنٹ بینک

 ہماداہا کی سربراہی دو رکنی ٹیم کی ملاقات، اجلاس میں پنجاب انٹرمیڈیٹ سٹیز

 امپروومنٹ انوسٹمنٹ پروگرام کے تحت سیالکوٹ شہر میں جاری سیوریج، واٹر

 سپلائی، ویسٹ واٹر ٹریٹمنٹ پلانٹ، پارکس کی بحالی و اپ گریڈیشن اور سالڈ

 ویسٹ مینجمنٹ کے جاری منصوبوں پر کام کی رفتار اور معیار کی بابت تبادلہ خیال

 کیا گیا۔ ایڈیشنل ڈپٹی کمشنر جنرل سید اسد رضا کاظمی اور اسسٹنٹ ڈائریکٹر

 ٹیکنیکل محسن علی ریاض بھی موجود تھے۔ اے ڈی پی کی ٹیم نے پبلک پارکس

 کی اپ گریڈیشن اور بحالی کی مجوزہ پراجیکٹ کے بارے بریفنگ دی۔

سیالکوٹ بیورو رپورٹ

 فیڈریشن آف پاکستان چیمبرز آف کامرس اینڈ انڈسٹری

(FPCCI) کےصدر کی جانب سے فیڈریشن کے انتظامی و مالی امور کی انجام دہی

میں اختیارات سے تجاوز پر DGTOکی جانب سے وضاحت طلب کرنے پر تعاون

کی بجائے منفی ہتھکنڈے استعمال کرتے ہوئے وفاقی وزیر برائے کامرس گوہر اعجاز

اور صوبائی وزیر برائے انڈسٹریز ایس ایم تنویرجن کا تعلق ملک کی معروف بزنس

کمیونٹی سے ہے اور وہ ملکی معیشت اور برآمدی انڈسٹری کو ترقی کی راہ پر گامزن

کرنے کےلئے بے لوث خدمات انجام دے رہے ہیں، کی کردار کشی کرنا انتہائی شرمناک

اور قابل مذمت ہے۔ اس بات کا اظہار سیالکوٹ چیمبر آف کامرس اینڈ انڈسٹری کے صدر

عبدالغفور نے ایک میڈٰیا پریس کانفرنس میں کیا۔ انہوں نے کہا کہ ڈائریکٹوریٹ جنرل

آف ٹریڈ آرگنائزیشنز (DGTO) وہ اعلیٰ ترین اتھارٹی ہے جسے FPCCI سمیت پورے

پاکستان کےتجارتی اداروں کی نگرانی کی ذمہ داری سونپی گئی ہے۔ کسی بھی تجارتی

ادارے کی کارکردگی اور اس کے مالی امور سے متعلق معلومات طلب کرنا اس کے

مکمل دائرہ اختیار میں ہے۔

صدر سیالکوٹ چیمبر نے کہا کہ فیڈریشن پاکستان کے تمام چیمبرز اور ایسوسی ایشنز کا

سربراہی ادارہ ہے،ادارے کی نیک نامی اور ساکھ کےلئے اس کے تمام مالی و انتظامی

امور میں شفافیت انتہائی ضروری ہے۔ ہم سمجھتے ہیں کہ صدر FPCCI کی جانب

سے شفافیت اور احتساب کو یقینی بنانے کےلئے سیکرٹری جنرل کو DGTO کی

ہدایات پر عمل درآمد کروانے کی بجائے اس کی مخالفت کرنےسے اس شبہ کو تقویت

ملتی ہے کہ انتظامی امور میں اختیارات کے ناجائز استعمال کے ساتھ ساتھ مالی بے

ضابطگیاں بھی ہو سکتی ہیں۔ انہوں نے مزید کہا کہ فیڈریشن کے موجودہ متنازعہ

صدر جو گزشتہ انتخابات کے دوران خودمختلف تنازعات کا شکار رہے ہیں،انہوں

نے اپنے پورے عہدہ صدارات کے دوران پاکستان کے اس باوقار کاروباری ادارے کے

پلیٹ فارم کو صنعت کی Advocacy کی بجائے اپنے ذاتی مفادات کےلئے استعمال کیا

ہے۔

صدر چیمبر نے کہا کہ ہم پاکستان کے تمام چیمبرز اور ٹریڈ باڈیز وفاقی حکومت، ڈی

جی ٹی او اور حکومتی وزراء کے ساتھ نہ صرف اظہار یکجہتی کرتے ہیں بلکہ ادارے

کےانتظامی و مالی امور میں شفافیت کی خاطر DGTO کی جانب سے معلومات کے

حصول کےلئے جاری کردہ ہدایات پر عمل درآمد کے فیصلہ کی مکمل حمایت کرتے

ہیں، اور مطالبہ کرتے ہیں کہ صدر فیڈریشن قانون کے مطابق کارروائی کے راستہ

میں رکاوٹ کا باعث نہ بنیں۔انہوں نےوزارت تجارت، حکومت پاکستان سےمطالبہ کرتے

ہوئے کہا کہ وہ FPCCIکےگزشتہ دو سالوں کے دوران فیڈریشن کے دیگر معاملات

کی مکمل چھان بین کرکے اپنی انکوائری کو پبلک کرے ، کیونکہ کاروباری اداروں

کی سالمیت کےلئے شفافیت اور جوابدہی سب سے اہم ہے۔

سابق صدر داکٹرنعمان ادریس بٹ نے پریس کانفرنس سے خطاب کرتے ہوئے کہا کہ

فیڈریشن کے موجودہ صدر کی حیثیت ایک متنازعہ صدر کی ہے جو خود سابق

DGTOکی ملی بھگت سے منتخب ہوئے تھے، ان کے الیکشن کے خلاف متعدد کیس

آج بھی ملک کی اعلیٰ عدالتوں میں زیر سماعت ہیں وہ ایسے افراد پر کیچڑ اچھالنے کی

کوشش کررہے ہیں جن کا شمار ملک کی نامور کاروباری شخصیات میں ہوتا ہے اور وہ

اس وقت بے لوث ملکی معیشت کی ترقی اور فروغ کےلئے کام کر رہے ہیں۔ ڈاکٹر اسلم

ڈار نے کہا کہ ملک کی تمام ٹریڈ باڈیز DGTOکی ہدایات پر عمل درآمد کرنے کی پابند

ہیں مگر یہ بڑی بد قسمتی کی بات ہے ہماری فیڈریشن کی موجودہ انتظامیہ اپنے مفاد

کےلئے قانون کی پاسداری سے انحراف کر رہی ہے۔

پریس کانفرنس سے سیالکوٹ کی بزنس کمیونٹی کے قائد ریاض الدین شیخ، وویمن چیمبر

آف کامرس اینڈ انڈسٹری سیالکوٹ کی صدر ، سرجیکل ایسوسی ایشن، سپورٹس گڈز

ایسوسی ایشن، پاکستان لیدر گارمنٹس ایسوسی ایشن، پاکستان گلوز ایسوسی ایشن، پاکستان

ہوزری ایسوسی ایشن، ریڈمیڈگارمنٹس ایسوسی ایشن، وزیر آبادکٹلری ایسو سی ایشن کے

چیئر پرسنز و نمائندگان سمیت سیالکوٹ کی معروف کاروباری شخصیات نے فیڈریشن

کے موجودہ رویے کی شدید الفاظ میں مذمت کی اور صدر سیالکوٹ چیمبر کی جانب

سے پیش کردہ موقف کی بھر پور حمایت و تائید کرتے ہوئے دونوں وزراء کے ساتھ

مکمل

سیالکوٹ (بیورورپورٹ)

 لاری اڈا سیالکوٹ کی سڑکیں ٹوٹ جانے کی وجہ سے گندہ پانی کھڑا ہوگیاجس سےبسیں، کاریں،

 موٹرسائیکلیں اور ٹرانسپورٹ اس کے اندر سےگزرنے پر ڈرائیوروں و شہریوں کو پریشانی کا سامنا رہا،

 سیالکوٹ کے اندر و باہر جانے والے راستوں پر گندہ پانی کھڑا ہونے سے اس کے اندر سے گزرنے پر

 ٹرانسپورٹرز و شہری پریشان رہے، سماجی کارکن محمد نصیر ناصر کے مطابق انتظامیہ اور لاری اڈا کے

 سرکاری افسران و ملازمین نے توجہ نہدی جس سے گٹروں اور نالیوں میں گندہ پانی باہر نکل آیا اور

 شکایات کے باوجودحکام نے کوئی نوٹس نہ لیا جس پر ذمہ داروں کے خلاف سخت کاروائی کی جائے،

 لاری اڈا کے باہر اور اندر کھڑے گندے پانی سے بدبو بھی پھیل گئی اور انتظامیہ خاموش رہی، تاجر محمد

 خالد حسین کے مطابق لاری اڈا میں گندے پانی کی وجہ سے لاری اڈا کا نظام خراب ہوگیا جس پر فوری

 کاروائی کی جائے، شہریوں نے لاری اڈا کی گندی صورتحال اور کھڑے پانی کے نکاس کیلئے فوری

 کاروائی کا مطالبہ کیا

سیالکوٹ بیورو رپورٹ

 وزیر اعلی پنجاب محسن نقوی کی ہدایت پر ضلع بھر کی 124یونین کونسلوں میں "اب گاؤں چمکیں گے" پروگرام کے تحت صفائی مہم جاری ہے،

 1558میں سے 1011دیہات میں مینجمنٹ کمیٹیاں قائم کر دی گئی ہیں اور تما م یونین کونسلوں میں لوڈر

 رکشہ اور صفائی کیلئے سینٹری سٹاف بھی فراہم کر دیا گیا ہے، ان خیالات کا اظہار ڈپٹی کمشنر عدنان

 محمود اعوان نے پروگرام کی تفصیلات بتاتے ہوئے کیا۔ ڈپٹی کمشنر نے بتایا کہ حکومت پنجاب، لوکل

 گورنمنٹ ڈیپارٹمنٹ کے پروگرام "اب گاؤں چمکیں گے"کے تحت چاروں تحصیلوں میں لوکل گورنمنٹ کے

 زیر انتظام صفائی مہم کاا ٓغاز کیا گیا ہے جس میں ان دیہات سے کوڑا کرکٹ اٹھایا جائے گا نیز سیوریج

 نالوں کی صفائی بھی کی جارہی ہے۔ انہوں نے بتایا کہ ضلع بھر کی تمام  124یونین کونسلوں کو لوڈر

 رکشہ فراہم کر دیے گئے ہیں، ہر یونین کونسل میں صفائی کیلئے ڈیلی ویجز پر تین اورمجموعی طور پر

 372 سینٹر ی ورکرز بھی فراہم کر دیے گئے ہیں۔ ڈپٹی کمشنر نے بتایا کہ ضلع  بھر میں سیوریج نالوں کی

 صفائی، کوڑے کرکٹ کو ٹھکانے لگانے کیلئے 14011ایکٹویٹز حکومت پنجاب کے پورٹل پر اپ لوڈ کی

 جاچکی ہیں، صرف گزشتہ روز702ایکٹویٹز کی گئیں۔ ڈپٹی کمشنر نے بتایا کہ اسسٹنٹ کمشنرز اپنے زیر

 انتظام علاقوں میں اس مہم کی مانیٹرنگ کر رہے ہیں، افسران کو ہدایت کی گئی ہے کہ جن دیہات می ابتک

 مینجمنٹ کمیٹیاں نہیں بن سکیں وہاں یہ عمل کم سے کم وقت میں مکمل کیا جائے۔

سیالکوٹ بیورو رپورٹ

 ایس ایچ او تھانہ پھوکلیان کاشف بٹ  کا جرائم اور معاشرتی مسائل کے حوالہ سے جامع مسجد پھوکلیان  سیالکوٹ میں خطاب

جرائم پیشہ اور سماج دشمن عناصر آمن کی راہ میں سب سے بڑی رکاؤٹ ہے۔سب کو ملکر مسائل کا خاتمہ یقینی بنائنگے۔* کاشف بٹ ایس ایچ او تھانہ پھوکلیان سیالکوٹ 

ڈی پی او سیالکوٹ محمد حسن اقبال کی ہدایت پر ایس ایچ او کاشف بٹ نے جامع مسجد  پھوکلیان میں

 نمازیوں سے خطاب کرتے ہوئے کہا کہ علاقے میں امن و امان کی صورتحال برقرار رکھنے کیلئے شہریوں

 کی تعاون انتہائی ضروری ہے۔

انہوں نے  کہا شہریوں کا تحفظ ہماری اولین ذمہ داری ہے۔بالخصوص منشیات نے نوجوان کو بے راہ روی

 کا شکار کردیا ہے۔منشیات فروشی نوجوان نسل کیلئے زہرقاتل ہے۔ اہل علاقہ کے تعاون سے منشیات

 فروشی سمیت دیگر جرائم سے علاقے کا صفایا کرینگے۔عوام کی جان ومال کی تحفظ ہماری اولین ذمہ

 داری ہے اور  پولیس اپنی فرائض کی انجام دہی میں کسی بھی قربانی سے دریغ نہیں کریگی۔ کاشف بٹ

 ایس ایچ او تھانہ پھوکلیان سیالکوٹ

سیالکوٹ بیورو رپورٹ

پنجاب میں چوکیدار سسٹم کو بحال کر دیا گیا ہے اور پنجاب کے دیہاتوں میں چوکیدار رات کو پہرا بھی دیا

 کریں گے اور اپنے فرائض منصبی سر انجام دیں گے پنجاب کے تمام ڈپٹی کمشنر کو مراسلہ جاری کر دیا

 گیا ہے اور جن دیہاتوں میں چوکیداروں کی سیٹیں خالی ہیں وہاں پر نئے چوکیدار رکھے جائیں گے اور ان

 کی نگرانی گاؤں کے نمبردار کریں گے بورڈ آف ریوینیو پنجاب