سیالکوٹ کوتجاوزات اور گندگی سے پاک کرنے کیلئے 90روزہ مہم چلانے کا فیصلہ، اے ڈی سی ریونیو انسداد تجاوزات مہم اور اے ڈی سی جنرل صفائی مہم کی نگرانی کرینگے۔

 

سیالکوٹ(بیورو رپورٹ)

 سیالکوٹ کوتجاوزات اور گندگی سے پاک کرنے کیلئے 90روزہ مہم چلانے کا فیصلہ، اے ڈی سی ریونیو

 انسداد تجاوزات مہم اور اے ڈی سی جنرل صفائی مہم کی نگرانی کرینگے۔ یہ بات ڈپٹی کمشنر سیالکوٹ کیپٹن

 (ر) شاہ میر اقبال نے ریونیو افسران کے اجلاس سے خطاب کرتے ہوئے کہی۔ ایڈیشنل ڈپٹی کمشنر ریونیو

 محمد اقبال، ایڈیشنل ڈپٹی کمشنر جنرل سید اسد رضا کاظمی، اسسٹنٹ کمشنر سیالکوٹ غلام سرور، اے سی

 پسرور قمر منج، اے سی سمبڑیال احسن ممتاز، سب رجسٹرار اربن اسما خلیل، سب رجسٹرار رورل تیمور احمد

 اور جنرل اسسٹنٹ ریونیو عبدالحئ بھٹی بھی موجود تھے۔ ڈپٹی کمشنر سیالکوٹ نے کہا کہ تجاوزات کے

 سدباب کیلئے  چلائی جانے والی مہم کا دائرہ کار میونسپل کارپوریشن یا میونسپل کمیٹیز تک محدود نہیں

 ہوگا بلکہ  ضلع کے اہم قصبے میں مستقل اور عارضی تجاوزات کے خلاف کریک ڈاؤن کیا جائے گا جس

 کی مانیٹرنگ  ایڈیشنل ڈپٹی کمشنر ریونیو کرینگے اور اسی طرح صفائی مہم بھی ضلع کی سطح پر چلائی

 جائے گی جس کا دورانیہ 3ماہ ہوگا اور اس خصوصی مہم کی نگرانی کے فرائض ایڈیشنل ڈپٹی کمشنر جنرل

 سید اسد رضا کاظمی انجام دیں گے۔ ڈپٹی کمشنر نے کہا کہ تجاوزات کے خاتمہ اور صفائی کی خصوصی

 مہمات کا مقصد ضلع میں تجاوزات کا مستقل خاتمہ کرنا ہے اور صفائی ستھرائی کے نظام کو فعال بنانا ہے

 تاکہ شہریوں کو صحت مند ماحول میسر آسکے۔ڈپٹی کمشنر کیپٹن (ر) شاہ میر نے ریونیو افسران کو ہدایت

 کی کہ وہ فصل ربیع کیلئے ڈیجیٹل گرداواری کا ریکارڈ جلد از جلد مرتب کریں اور آبیانہ، تاوان، اسٹیمپ

 ڈیوٹی ، زرعی انکم ٹیکس اور انتقالات کی فیسوں، محصولات اور واجبات کی وصولی کے عمل کو تیز

 کریں۔ انہوں نے کہا کہ ضلع سیالکوٹ کی تمام جمع بندیوں  کو 31دسمبر تک آن لائن کیا جائے۔

سیالکوٹ(بیورو رپورٹ)

ایف آئی اے امیگریشن کی سیالکوٹ ایئرپورٹ پر بڑی کارروائی

غیر قانونی پاسپورٹ پر سفر کرنے والے ملزم کو تھانے منتقل کر دیا گیا۔ملزم فلائٹ نمبر GF772 سے پاکستان پہنچا تھا۔صدام حسین نامی ملزم ثاقب اقبال کے پاسپورٹ پر پاکستان پہنچا۔ملزم کا تعلق آزاد کشمیر سے ہے۔

ابتدائی تفتیش کے مطابق ملزم  نے لیبیا سے اٹلی جانے کے لئے مختلف ایجنٹوں کو 25 لاکھ روپے دیے۔مذکورہ ایجنٹس ملزم کو اٹلی بھجوانے میں ناکام رہے۔ملزم نے مذکورہ پاسپورٹ بھی لیبیا میں رہائش پذیر پاکستانی ایجنٹ سے حاصل کیا۔ملزم کو مزید کاروائی اور ایجنٹوں کی نشاندہی کے لئے ایف آئی اے اینٹی ہیومن ٹریفیکنگ سرکل گجرانوالہ منتقل کر دیا گیا۔

سیالکوٹ(بیورو رورٹ)

 جماعت اسلامی خواتین کے زیراہتمام فلسطین کی حمائیت اور اسرائیل کی جارحیت کے خلاف ریلی کا انعقاد

 کیا ریلی میں ہزاروں خواتین نے شرکت کی۔ریلی کی قیادت ضلع ناظمہ خواتین نے کی۔ چوک علامہ اقبال

 میں ریلی سے جماعت اسلامی کے ضلع امیر میاں آصف  نے خطاب کرتے ہوئے کہا  مسلمانوں کا قبلہ اول

 اور امت مسلمہ کی امیدوں کا مرکز ہے اور ہر مسلمان کے لئے تکلیف کا باعث ہے اور اسرائیل کا فلسطین

 پر جبری قبضہ کی بھر پور مزمت کرتے ہیں اور کروڑوں مسلمان اپنی زمینوں سے جبری بے دخلی کے

 بعد دیگر ممالک کے مہاجر کیمپوں میں رہنے پر مجبور ہیں اور کچھ غذہ کی جیل میں مقید ہیں اور نہتے

 فلسطینی مسلمانوں ہونے والے ظلم پر نام نہاد مہزب دنیا نے آنکھیں بند کر ررکھی ہیں انہوں نے مزید کہا 

 غزہ کا محاصرہ عشروں سے جاری ہے گزشتہ چند ماہ سے اسرائیلی فوج اور یہودی آباد کاروں نے بار

 بار مسجد اقصیٰ کی بے حرمتی کی ہے اور مسلمانوں پر مظالم کے پہاڑ ڈھائے جا رہے ہیں فلسطینی

 مسلمانوں پر اسرائیل کے مظالم کی شدید مزمت کرتے ہیں اور اپریشن طوفان  اقصیٰ کی حمائیت کرتے ہیں

 اور ہم پاکستانی فلسطینی مسلمانوں کی مکمل مالی و دیگر ہر قسم کی امداد کرتے ہیں ریلی سے  جماعت

 اسلامی کے رہنما ڈاکٹر طاہر محمود بٹ، شیخ عتیق الرحمان اور محسن اکرام بھٹی نے بھی  خطاب کیا،

سیالکوٹ(بیورو رپورٹ)  

نیشنل اکیڈمی آف آرٹس اینڈ کلچر سیالکوٹ کے زیر اہتمام  وطن عزیز کی ممتاز شاعرہ، پنجابی زبان کے

 فروغ میں اہم کردار ادا کرنے والی رہنما  اور ساڈاپنجاب کی چیف ایڈیٹر محترمہ طاہرہ سرا کے اعزاز میں

 تقریب کا انعقاد کیا گیا تو شہر اقبال سے تعلق رکھنے والے عالمی شہرت یا فتہ شاعر پروفیسر شاہد ذکی

 نے تقریب کی صدارت کی  جبکہ نظامت کے فرائض عاطف شہزاد نے سرانجام دئیے۔ محترمہ طاہرہ سرا 

 کے ساتھ منائی جانے والی اس خوبصورت شام میں  لاہور سے بصارت سے محروم پی ایچ ڈی کرنے والے

 نامور شاعر تیمور حسن تیمور، شیخوپورہ سے سعدیہ صفدر سعدی، سیالکوٹ سے تعلق رکھنے والے

 شاعر تجمل حسین سچل، عاصم ممتاز، فرانسس سائل، عاصمہ فراز، ڈاکٹر سبینہ اویس اعوان اور رفیق

 لودھی نے اپنا کلام پیش کیا۔ اس تقریب میں کینیڈا سے آئے ہوئے  ممتاز پاکستانی بزنس مین اور سیاسی و

 سماجی رہنما  شہزاد رضا کھوکھر نے خصوصی طور پر شرکت کی جبکہ سجاد احمدکھوکھر آف  اشرف

 انڈسٹری، ڈاکٹر شیراز،  ممتاز ماہر تعلیم و ماہر نفسیات ڈاکٹر عبدالشکور سیال،  نامور صحافی  و سماجی

 رہنما ڈاکٹر عبدالشکور مرزا،  شیخ عارف محمود، افتخار احمد گڈ لک، سید قاسم عابد رضوی، بلال حسین،

 ڈاکٹر محمد منیر بٹ،  ناصر نیئر،  محمد اکرم چٹھہ ایڈووکیٹ  اورسفیان صارم کے علاوہ بڑی تعداد میں

 معززین شہر نے شرکت کی۔

سیالکوٹ(بیورو رپورٹ)

سیالکوٹ چیمبر آف کامرس اینڈ انڈسٹری اورڈاکٹر عبدالستار لیب کے مابین مفاہمتی یادداشت پر دستخط کر دئیے گئے

سیالکوٹ چیمبر آف کامرس اینڈ انڈسٹری (ایس سی سی آئی)اورڈاکٹر عبدالستار لیب کے مابین ایک مفاہمتی

 یادداشت پر دستخط کر دئیے گئے۔ سیالکوٹ چیمبر آف کامرس اینڈ انڈسٹری اور ڈاکٹر عبدالستار لیب کے

 مابین ہونے والا یہ معاہدہ دو سال کا ہے۔اس مفاہمتی یادداشت کا مقصد چیمبر ممبران کو مختلف اقسام کے

 لیب ٹیسٹس میں ریلیف فراہم کرنا ہے، ممبران چیمبر کو یہ ریلیف 20 سے 30 فیصد رعایت فراہم کر کے

 دیا جائے گا۔  سیالکوٹ چیمبر آف کامرس اینڈ انڈسٹری کی جانب سے سینئر نائب صدر وہب جہانگیر اور

 ڈاکٹر عبدالستار لیب  کی جانب سے ڈاکٹر عبدالستار نے  مفاہمتی یادداشت کے مسودے پر دستخط کیے۔

 سیالکوٹ چیمبر آف کامرس اینڈ انڈسٹری کے گورننگ باڈی رکن شہباز صائم ایڈووکیٹ بھی اس موقع پر

 یہاں موجود تھے۔

سیالکوٹ بیورو رپورٹ

پیکیجنگ سیکٹر کو صنعت کا درجہ دیا جائے،ذکی اعجاز قریشی

پاکستان پیکیجنگ  مینو فیکچررز ایسوسی ایشن سیالکوٹ کے چیئرمین ذکی اعجاز قریشی نے کہا ہے کہ 

  پیکیجنگ انڈسٹری کو صنعت کا درجہ دیا جائے،آن لائن کاروبار ، ای کامرس کے آنے اور وسیع پیمانے پر

 مقبولیت نے پیکیجنگ سیکٹر کی اہمیت اور قدر کو بڑھا دیا ہے۔ان خیالا ت کا اظہار انہوں نے سیالکوٹ

 چیمبر آف کامرس اینڈ انڈسٹری میں منعقد تقریب سے خطاب کرتے ہوئے کیا۔اس موقع پرنائب صدر

 سیالکوٹ چیمبر آف کامرس اینڈ انڈسٹری عامرمجید شیخ ،نائب صدر لاہور چیمبر آف کامرس اینڈ انڈسٹری 

 عدنان خالد بٹ، راجہ طارق محمود سینئر وائس چیئرمین پیکیجنگ ایسوسی ایشن ،حاجی فیصل وائس

 چیئرمین، سہیل شہزاد چیئرمین لاہور زون ،رانا آفتاب جہانگیر  چیئرمین فیصل آباد زون، آمنہ رندھاوا،

 شکیل باجوہ ، محمد اکرم ورک اورسیالکوٹ چیمبرآف کامرس اینڈ انڈسٹری کے  دیگر اراکین بھی موجود

 تھے۔ ذکی اعجاز قریشی  کا مزید کہنا تھا کہ پاکستان کی تمام ایکسپورٹ انڈسٹری پیکیجنگ کیلئے مقامی

 صنعت سے ہی استفادہ   کر رہی ہے،پاکستان کی پیکیجنگ انڈسٹری بین الاقوامی معیار کے مطابق کام کر

 رہی ہے،انہوں نے کہاکہ اس دور میں کوئی بھی ملک امپورٹ اور ایکسپورٹ کے بغیر چل نہیں سکتا

 اورکوئی بھی انڈسٹری پیکیجنگ سیکٹر کے بغیر نہیں چل سکتی ہے، پیکیجنگ انڈسٹری تمام صنعتوں میں

 ریڑھ کی ہڈی کی حیثیت رکھتی ہے۔انہوں نے کہاکہ پیکیجنگ انڈسٹری پاکستان کے اہم اور تخلیقی شعبوں

 میں سے ایک ہے کیونکہ یہ برآمد پر مبنی اور گھریلو صنعتوں کی ضرورت کو پورا کرنے کیلئے اہم کردار

 ادا کررہا ہے،پیکیجنگ انڈسٹری ٹیکسٹائل کے بعد پاکستان کی 5ویں سب سے بڑی صنعت   ہے۔انہوں نے

 کہاکہ ہر طرح کے پیکیجنگ میٹریل اور مصنوعات جیسے کاغذ،گتے،ریپنگ فلم،ٹیپ،پلاسٹک،کلاس،دھات

 اور لکٹری پاکستان میں تیار کی جارہی ہے،انہوں نے کہاکہ گزشتہ چند سالوں میں جدت اور ماحول دوست

 پیداوارمیں اضافہ دیکھنے میں آیا ہے،پاکستان میں مصنوعات کی فزیکل اور کیمیائی خصوصیات کے

 مطابق پیکیجنگ کے شعبہ میں نئی ٹیکنالوجیز کا استعمال کیا جا رہا ہے۔انہوں نے حکومت سے مطالبہ کیا

 کہ پیکیجنگ انڈسٹری کو صنعت کا درجہ دیا جائے،اس عمل سے زیادہ سے زیادہ لوگ ٹیکس نیٹ میں آئیں

 گے جس سے حکومت کی آمدنی میں اضافہ ہو گا۔تقریب سے خطاب کرتے ہوئے نائب صدر کامرس اینڈ

 انڈسٹری کامرس اینڈ انڈسٹری عامر مجید شیخ نے کہا کہ سیالکوٹ چیمبر آف کامرس اینڈ انڈسٹری

 پیکجنگ انڈسٹری کوہر طرح کی معاونت فراہم کرے گی ۔ پیکجنگ انڈسٹری کے نمائندگان کو سیالکوٹ

 چیمبر کی ڈپارٹمنٹل کمیٹیز میں نائندگی  بھی دی جائے گی انہوں نے لاہور چیمبر کے نائب صدرعدنان خالد

 بٹ اور دیگر عہدیداران کو سیالکوٹ چیمبر پر خوش آمدید کہا۔تقریب  کے آخر میں محمد اکرم ورک کو آل

 پاکستان پیکیجنگ  مینو فیکچررز ایسوسی ایشن سیالکوٹ زون کا چیئرمین نامزد کیا گیا۔

سیالکوٹ(بیورو رپورٹ)

سیالکوٹ میں عظیم الشان 112ویں سالانہ سیرت رحمت اللعالمین کانفرنس منعقد ہوئی۔ کانفرنس کا اہتمام

 انجمن اسلامیہ سیالکوٹ کی جانب سے کیا گیا تھا۔ کانفرنس کے آغاز پر انجمن اسلامیہ کے سرپرست اعلیٰ

 حکیم شیخ محمد عبدالواحد نے سپاسنامہ پیش کیا اور شرکاء کو کانفرنس کے اغراض و مقاصد بارے آگاہ

 کیا۔ انجمن اسلامیہ کے سیکرٹری جنرل محمد افضل ڈیوڑا بھی اس موقع پر یہاں موجود تھے۔ اس کانفرنس

 کی صدارت میاں محمد عبالروف نے کی۔ کانفرنس کا موضوع "اسلام میں مذہبی رواداری اور غیر مسلموں

 کے حقوق و فرائض" تھا۔  بطور مہمان خصوصی خطاب کرتے ہوئے مولانا پروفیسر ڈاکٹر سعد صدیقی نے

 کہا کہ یہ ایک تاریخ ساز حقیقت ہے کہ اسلام نے مذہبی رواداری کی محض تلقین ہی نہیں کی بلکہ اسے

 اسلامی مملکت کے دستور کے جزو لاینفک کے طور پر متشکل کر دیا۔ تمام مفتوح اقوام اور غیر مسلم

 اقلیتوں کے ساتھ مذہبی رواداری کے ساتھ ساتھ انہیں مذہبی آزادی کی ضمانت فراہم کی گئی، ان کے جان و

 مال، عزت و آبرو اور عقیدہ و مذہب کا دین اسلام اوراسلامی ریاست میں جس قدر تحفظ کیا گیا تاریخ عالم

 اس کی مثال پیش کرنے سے قاصر ہے۔ انہوں نے کہا کہ یہ ایک ناقابل تردید حقیقت ہے کہ رسول اکرمﷺ

 نے غیر مسلموں کے ساتھ جس رواداری، وسعت قلبی، عالی حوصلگی اور رواداری کا عملی اور تعلیمی

 نمونہ پیش کیا، دنیا کا کوئی مذہب اس کی مثال پیش نہیں کرسکتا۔  انہوں نے کہا کہ ہجرتِ مدینہ کے بعد

 رسالت مآبﷺ نے یہود مدینہ کے ساتھ تاریخ ساز معاہدہ ’’میثاق مدینہ‘‘ کیا جو غیر مسلم رعایا کے ساتھ

 پیغمبر اسلام ﷺ کا پہلا معاہدہ ہے۔ یہ معاہدہ مذہبی رواداری اور فراخ دلی کی ایک ایسی مثال ہے جس پر

 دنیا فخر کر سکتی ہے۔ ’’میثاق مدینہ‘‘امام الانبیاء، حضرت محمد مصطفیٰﷺ کی سیاسی بصیرت اور حسن

 تدبر کا مثالی اور تاریخی شاہکار ہے جس سے اسلامی سوسائٹی کے مقاصد، پرامن بقائے باہمی، مذہبی

 رواداری، قیام امن اور انسانی اقدار کے تحفظ میں بھرپور مدد ملی۔ پروفیسر ڈاکٹر اسد صدیقی کا کہنا تھا کہ

 اسلام تمام طبقات انسانی کے لئے رحمت بن کر آیا ، اس نے غیر مسلم رعایا کو بھی اس سے محروم نہیں

 رکھا اور انہیں اتنے حقوق دیئے جس کی نظیر مذاہب عالم کی تاریخ میں اس سے پہلے نہیں ملتی۔ انہوں

 نے کہا کہ یہ تمام تعلیمات اس حقیقت کی ترجمان ہیں کہ اسلامی ریاست میں آباد غیر مسلم باشندوں کے

 ساتھ ہمیشہ عدل و انصاف پر مبنی طرز ِعمل اختیار کیا گیا۔ نیز یہ کہ ایک اسلامی ریاست کی یہ ذمہ دار ی

 ہے کہ وہ ریاست میں آباد تمام باشندوں کے حقوق کا بلاتفریق مذہب و ملت تحفظ کرے۔ کانفرنس سے دیگر

 مققرین نے بھی خطاب کیا، خطاب کرنے والوں میں مولانا ڈاکٹر محمد عبدالباسط، علامہ پروفیسر حماد انذر

 قاسمی اور علامہ محمد امتیاز ورک شامل تھے۔

سیالکوٹ بیورو رپورٹ 

چیف جسٹس لاہور ہائیکورٹ امیر علی بھٹی نے 11 ڈسٹرکٹ اینڈ سیشن ججز کے تقرروتبادلوں کے احکامات جاری کردیئے، نوٹیفیکیشن 

ڈسٹرکٹ اینڈ سیشن جج راولپنڈی حامد حسین کو گجرات تعینات کردیا گیا

ڈسٹرکٹ اینڈ سیشن جج قصور طارق محمود باجوہ کو لودھراں تعینات کردیا گیا

ڈسٹرکٹ اینڈ سیشن جج راولپنڈی (بینکنگ کورٹ) امجد اقبال رانجھا کو سینیئر ایڈیشنل رجسٹرار راولپنڈی بینچ تعینات کردیا گیا

ڈسٹرکٹ اینڈ سیشن جج ملتان صفدر اقبال کو اوکاڑہ تعینات کردیا گیا

ڈسٹرکٹ اینڈ سیشن جج فیصل آباد (لیبر کورٹ) محمد عارف رانا کو بہاولنگر تعینات کردیا گیا

ڈسٹرکٹ اینڈ سیشن جج بہاولنگر (کنیومر کورٹ) محمد ظفر اقبال کو قصور تعینات کردیا گی

ڈسٹرکٹ اینڈ سیشن جج لاہور (اینٹی کرپشن کورٹ) علی رضا اعوان کو حافظ آباد تعینات کردیا 

ڈسٹرکٹ اینڈ سیشن جج گجرات ریحان بشیر کو لاہور ہائیکورٹ رپورٹ کرنے کی ہدایت 

ڈسٹرکٹ اینڈ سیشن جج حافظ آباد مشتاق الہٰی کو لاہور ہائیکورٹ رپورٹ کرنے کی ہدایت

ڈسٹرکٹ اینڈ سیشن جج بہاولنگر عابد رضوان عابد کو لاہور ہائیکورٹ رپورٹ کرنے کی ہدایت

ڈسٹرکٹ اینڈ سیشن جج لودھراں طارق محمود کو لاہور ہائیکورٹ رپورٹ کرنے کی ہدایت

سیالکوٹ بیورو رپورٹ

محکمہ صحت پنجاب/ تقرروتبادلے 

سی ای او ہیلتھ منڈی بہاؤالدین ڈاکٹر خالق داد کو تبدیل کردیا گیا

ڈاکٹر خالق داد کو میڈیکل سپرنٹنڈنٹ ڈی ایچ کیو منڈی بہاؤالدین تعینات کردیا گیا

ڈاکٹر محمد عابد کو سی ای او ہیلتھ منڈی بہاؤالدین تعینات کردیا گیا

ڈاکٹر محمد عابد میڈیکل سپرنٹنڈنٹ ڈی ایچ کیو منڈی بہاؤالدین تعینات تھے

سیالکوٹ بیورو رپورٹ 

ڈسٹرکٹ پولیس آفیسر سیالکوٹ محمد حسن اقبال نے سب انسپیکٹر اعجاز الحق ساہی کو پی ایس او ٹو ایس پی انویسٹیگیشن سیالکوٹ تعینات کردیا،ترجمان ڈسٹرکٹ پولیس آفیسر سیالکوٹ

سیالکوٹ بیورو رپورٹ

افغان شہریوں کا وطن واپسی کا سلسلہ جاری 

پاکستان نے ہمیشہ افغان مہاجرین کو کھلے دل سے تسلیم کیا

پچھلے 40 سال سے پاکستان نے افغان مہاجرین کو ضرورت زندگی کی تمام سہولیات بہم پہنچائی

اکتوبر 2023 کے اوائل میں کئے گئے حکومتی فیصلے کے پیشِ نظر افغان مہاجرین کو 31 اکتوبر تک ملک چھوڑنے کی مہلت دی گئی

افغان باشندے جہاں وطن واپس جانے پر خوش ہیں وہاں پاکستان میں گزرے اچھے وقت کو یاد کر کے افسردہ بھی ہیں

21 اکتوبر کو 3382 افغان باشندے اپنے ملک چلے گئے

3382 افغان شہریوں میں 1049 مرد، 914  خواتین اور 1419 بچے اپنے ملک چلے گئے

افغانستان روانگی کے لیے 61 گاڑیوں میں 231 خاندانوں کی اپنے وطن واپسی عمل میں لائی گئی اور یہ سلسلہ روزانہ کی بنیاد پر جاری ہے

اب تک کل 59,561 افغان پناہ گزینوں کی اپنے وطن واپسی ہوچکی ہے

افغان باشندوں کی اپنے وطن واپسی حکومت اور عسکری قیادت کی مشترکہ کاوشوں کا نتیجہ ہے

سیالکوٹ بیورو رپورٹ

▪️حکومت نے گیس قیمتوں میں 193 فیصد تک اضافے کی منظوری دیدی

 نے گھریلو، کمرشل اور صنعتی صارفین کے لیے گیس ٹیرف میں اضافے کی منظوری دے دی۔

نگراں وزیرخزانہ ڈاکٹر شمشاد اختر کی زیر صدارت ای سی سی کا اجلاس ہوا، جس میں گیس ٹیرف میں اضافے کا فیصلہ کیا گیا۔

ذرائع کے مطابق ای سی سی نے وزارت پیٹرولیم کی سمری منظورر کرلی، نئے گیس ٹیرف کا اطلاق یکم نومبر 2023ء سے ہوگا۔

ای سی سی نے گیس قیمتوں میں 193 فیصد تک اضافے اور گیس کے میٹر پر فکس چارجز 10 روپے سے بڑھا کر 400 روپے ماہانہ کرنے منظوری دے دی۔

ذرائع کے مطابق پیٹرولیم ڈویژن کی سمری میں گیس کا ٹیرف 193 فیصد تک بڑھانے کی تجویز آئی تھی، اجلاس میں گھریلو صارفین کےلیے گیس 172 فیصد تک مہنگی کرنے کی منظوری دی گئی۔

ذرائع کے مطابق دیگر کیٹیگریز کےلیے گیس کی قیمت میں تقریباً 193 فیصد تک اضافہ کردیا گیا ہے۔

ذرائع کے مطابق ماہانہ 0.25 کیوبک میٹر تک نان پروٹیکٹڈ صارفین کےلیے 100روپے، 0.60 کیوبک میٹر والے صارفین کےلیے 300 روپے اور ماہانہ 100 کیوبک میٹر صارفین کےلیے 600 روپے فی ایم ایم بی ٹی یو اضافہ کیا گیا ہے۔

ذرائع کے مطابق ماہانہ 150 کیوبک میٹر والوں کےلیے 600 روپے، 200 کیوبک میٹر والوں کے ٹیرف میں 800 روپے اور ماہانہ 300 کیوبک میٹر والے صارفین کےلیے 1900 روپے فی ایم ایم بی ٹی یو اضافہ کیا گیا ہے۔

ذرائع کے مطابق ذرائع کے مطابق ماہانہ 400 کیوبک میٹر والوں کے ٹیرف میں 1500 روپے جبکہ 400 کیوبک میٹر سے زائد کے لیے 900 روپے فی ایم ایم بی ٹی یو اضافہ کیا گیا ہے۔

ذرائع کے مطابق سیمنٹ سیکٹر کے گیس ٹیرف میں 2900 روپے فی ایم ایم بی ٹی یو اضافے کیا گیا ہے۔

ذرائع کے مطابق سیمنٹ سیکٹر کےلیے قیمت 1500 روپے سے بڑھا کر 4400 روپے فی ایم ایم بی ٹی کردی گئی ہے۔

ذرائع کے مطابق سی این جی کےلیے گیس کی قیمت 2 ہزار 595 روپے فی ایم ایم بی ٹی یو بڑھانے کی منظوری دی گئی ہے جبکہ بجلی کارخانوں اور تندوروں کےلیے گیس قیمت برقرار رکھنے کی تجویز ہے۔

ذرائع کے مطابق ای سی سی اجلاس میں بیرون ملک سے 10 لاکھ میٹرک ٹن گندم درآمد کرنے کا بھی فیصلہ کیا۔

ای سی سی نے مالی سال 24-2023 کےلیے گندم کی درآمد کی منظوری دے دی اور کہا کہ گندم کی درآمد کا مقصد اسٹریٹجک ذخائر برقرار رکھنا ہے۔

ذرائع کے مطابق ای سی سی نے ایرا کے لیے 48 کروڑ 40 لاکھ روپے کی تکنیکی سپلیمنٹری گرانٹ بھی منظور کرلی

سیالکوٹ بیورو رپورٹ

شاعر مشرق حکیم الامت حضرت ڈاکٹر علامہ محمد اقبال کے یوم پیدائش پر 9 نومبر 2023ء بروز جمعرات  کو پورے پاکستان میں عام تعطیل ہو گی،وفاقی حکومت نے چھٹی کا نوٹیفیکیشن جاری کردیا

سیالکوٹ بیورو رپورٹ

 پسرور.چونڈہ لاری اڈا کے مقام پر خطرناک حادثہ ایک اور جان لے گیا

پسرور.تھانہ پھلورہ کی حدود چونڈہ لاری اڈا کے قریب کیچڑ کی وجہ سے موٹر سائیکل سلپ ہوکر ٹرالی

 ٹریکٹر سے ٹکرا گئی جس کے نتیجے میں تھانہ بڈیانہ کی حدود گاؤں جدران کی رہائشی 35 سالہ فوزیہ

 انور زوجہ بشیر احمد جانبحق ہو گئیں یاد رہے کہ اس جگہ پر کافی گہرے کھڈے ہیں اور گاڑیوں کا گزرنا

 مشکل نہیں ناممکن ہے انتظامیہ کی نااہلی غفلت اور لاپرواہی سے  سڑکوں کی بروقت تعمیر نہ ہونے کی

 وجہ سے آئے روز حادثات معمول کا حصہ ہیں اربابِ اختیار سے مطالبہ کرتے ہیں کہ ان سڑکوں کی تعمیر

 فلی الفور ترجیحی بنیادوں پر کی جانے تاکہ مزید قیمتی جانوں کے ضیاع سے بچا جا سکے 📢

سیالکوٹ بیورو رپورٹ

غیرقانونی طور پر مقیم افغان شہریوں کو بے دخل کرنے کیلئے ایک اور فیصلہ

یکم نومبر سے فارن ایکٹ کے تحت بے دخلی آرڈر جاری کرنے کی منظوری دیدی گئی

وفاقی حکومت نے فارن ایکٹ 1946 کا سیکشن 3 نافذ کرنے کی منظوری دیدی

وزارت قانون کی سفارش پر وزارت داخلہ نے وفاقی کابینہ سے منظوری حاصل کی

فارن ایکٹ کے تحت افغان شہریوں کی گرفتاری، حراست اور بے دخلی کا فیصلہ

سنگین جرائم میں انڈر ٹرائل اور سزا یافتہ افغان شہریوں کو بے دخل نہ کرنے کا فیصلہ

معمولی جرائم میں انڈر ٹرائل اور سزا یافتہ افغان شہریوں کو بے دخل کردیا جائے گا

ضلعی انتظامیہ، پولیس، پراسیکوشن اور جیل انتظامیہ کو خصوصی اختیار دینے کی منظوری

یکم نومبر سے متعقلہ اتھارٹیز افغان شہریوں کو گرفتار، زیرحراست اور بے دخل کی مجاز ہونگی

پنجاب سے گرفتار افغانیوں کو بے دخلی کیلئے راولپنڈی میں قائم مرکز میں منتقل کیا جائے گا

خیبرپختونخواہ سے گرفتار افغانیوں کو نوشہرہ اور چمکنی مرکز میں منتقل کیا جائے گا

بلوچستان سے گرفتار افغانیوں کو کوئٹہ، پشین اور قلعہ عبداللہ مرکز میں منتقل کیا جائے گا

سندھ سے گرفتار افغانیوں کو بے دخلی کیلئے کراچی ون اور ٹو مرکز میں منتقل کیا جائے گا

غیرقانونی طور پر مقیم افغانیوں کے پاس 31 اکتوبر تک پاکستان چھوڑنے کے علاوہ کوئی آپشن نہیں

سیالکوٹ بیورو رپورٹ 

نگران وزیراعلیٰ پنجاب محسن نقوی نے 9 مئی کے تمام کیسز کا جیل ٹرائل کرنے کی منظوری دیدی

لاہور، راولپنڈی، سرگودھا اور فیصل آباد کی انسداد دہشتگردی عدالتیں جیل ٹرائل کریں گی

سیالکوٹ بیورو رپورٹ

 اب کوئی سرکاری ملازم صحافت نہیں کر سکے گا اور نہ ہی سوشل میڈیا کا استعمال کرے گا اگر کسی بھی

 سرکاری افسر یا ملازم نے خلاف ورزی کی تو اس کے خلاف محکمانہ کارروائی عمل میں لائی جائے گی

 حکومت پنجاب نے پابندی عائد کرنے کا نوٹیفیکیشن جاری کردیا

سیالکوٹ بیورو رپورٹ

پاکستان اور کشمیری تنظیم کے چیئرمین راجہ سکندر خان نے ڈائیسپورا کی نمائندگی کرنے والے اور معروف تھنک ٹینک گلوبل پاک کشمیر سپریم کونسل نے میڈیا سے گفتگو کرتے ہوئے کہا کہ ہم اوورسیز کمیونٹی پنجاب حکومت کی جانب سے سرکاری سکولوں کی نجکاری اور پنشن

اور دیگر مالیاتی سہولیات چھیننے کی شدید مذمت کرتے ہیں۔

ہم اوورسیز کمیونٹی سرکاری سکولوں کے اساتذہ اور ملازمین کے ساتھ کندھے سے کندھا ملا کر کھڑے ہیں اور اس لیے پنجاب حکومت کے اس ظالمنانہ پالیسی کو مسترد کرتے ہیں۔

دنیا بھر کے لوگ کسی بھی تعلیمی ادارے کے تدریسی اداروں کی عزت و تکریم کرتے ہیں جبکہ پر امن احتجاج کرنے پر اساتذہ پر پنجاب پولیس کی طرف سے لاٹھی چارج کیا گیا اور گرفتاریاں بھی کی,   جو ان اساتذہ کی بے عزتی اور زیادتی ہے جنہوں نے پاکستان کی اعلیٰ آبادی کو تعلیم دی جس میں اب حاضر سروس پولیس افسران بھی شامل ہیں۔ عدلیہ، اعلیٰ بیوروکریٹس، سیاست دان، اعلیٰ تاجر اور ہر شعبہ ہائے زندگی سے تعلق رکھنے والے لوگ بھی۔

سیاست دان اور اعلیٰ بیوروکرسٹ لاکھوں روپے میں TA/DA وغیرہ کے ساتھ پرتعیش غیر ملکی دوروں سے لطف اندوز ہوتے ہیں اور پھر بھی وہ اپنے اخراجات کو کم یا کم کرنا نہیں چاہتے لیکن تعلیمی اداروں کے عملے کی پنشن وغیرہ چھیننا چاہتے ہیں۔

سرکاری اسکولوں کی نجکاری کرنے سے متوسط ​​اور غریب طبقے کے خاندان اپنے بچوں کو اسکولوں میں پرائیویٹائز کرنے کے متحمل نہیں ہوں گے کیونکہ غریب آدمی کی پہنچ سے دور ہے اور یہ لوگ پہلے ہی حالیہ مہنگائی سے بچنے کے لیے بہت مشکل سے گزر رہے ہیں۔

اساتذہ کو سڑکوں پر اور حوالاتوں میں قید ھوتے دیکھ کر دل خون کے آنسو رو رہا ہے قوم کے معماروں کے ساتھ یہ سلوک کرنے والوں کا یوم حساب قریب ہے۔ راجہ سکندر  نے کہا ھے کہ 

سرکاری سکولز ختم کرنے اور محکمہ تعلیم کو پرائیویٹ سیکٹر کے حوالے کرنے کی پنجاب حکومت کی ظالمنانہ پالیسی اور اس کے خلاف اساتذہ کرام کے جاری احتجاج پر ردعمل دیتے ہوۓ انتہائ افسوس کا اظہار کیا. 

 جو قوم اپنے اساتذہ کی قدر اور عزت نہیں کرتی ذلت اس کا مقدر ہوتی ہے. آج اپنے اساتذہ اور ماوں بہنوں کو سڑکوں پر دیکھ کر دل خون کے آنسو رو رہا ہے-

 اوورسیز کمیونٹی حکومت پنجاب سے پرزور مطالبہ کرتی ہے کہ وہ سرکاری سکولوں کی نجکاری اور تعلیمی اداروں سے پنشن اور دیگر مراعات چھیننے کے اس مذموم فیصلے سے باز رہے اور تمام گرفتار اساتذہ کو رہا کرے۔

سیالکوٹ بیورو رپورٹ

  رواں سال کا دوسرا اور آخری چاند گرہن 28 اکتوبر کو ہوگا

2023 کا دوسرا اور آخری چاند گرہن 28 اکتوبر کو ہوگا جو پاکستان میں بھی دیکھا جا سکے گا

جب چاند زمین کے سائے کے تاریک ترین حصے سے گزر رہا ہوتا ہے اور زمین، سورج اور چاند کے درمیان میں آجاتی ہے تو اس موقع پر چاند گرہن ہوتا ہے

سورج کی روشنی جب زمینی فضا میں سے گزرتی ہے تو نیلی روشنی کی نسبت لال رنگ کی روشنی زیادہ مڑ جاتی ہےاور اس وجہ سے گرہن لگنے پر چاند سرخ رنگ کا نظر آتا ہے۔

اس سے قبل 5 مئی 2023 کو پینمبرل چاند گرہن ہوا تھا

پینمبرل چاند گرہن کے دوران چاند کی چمک ماند پڑ جاتی ہے اور اس کا مشاہدہ مشکل ہوتا ہے

مگر 28 اکتوبر کو جزوی چاند گرہن ہوگا جس کا مشاہدہ کرنا ممکن ہوگا۔

چاند گرہن پاکستان کے معیاری وقت کے مطابق 28 اکتوبر کو رات 11 بجکر 01 منٹ پر شروع ہوگا اور رات کے 01 بجکر15 منٹ پر عروج کو پہنچے گا۔

چاند گرہن کا اختتام 29 اکتوبر کو رات 03 بجکر 36 منٹ پر ہوگا

چاندگرہن پاکستان کے ساتھ ساتھ سمیت ایشیا، روس، یورپ اور افریقا کے مختلف ممالک میں دیکھاجاسکےگا

سورج گرہن کے برعکس چاند گرہن کو دیکھنے کے لیے کسی قسم کی احتیاط کی ضرورت نہیں ہوتی

خیال رہے کہ اس سے قبل 14 اکتوبر کو رواں سال کا آخری سورج گرہن بھی ہوا تھا۔

سورج گرہن جنوب مغربی میکسیکو، وسطی امریکا کے مختلف ملکوں، جنوبی افریقا، جنوبی آسٹریلیا، بحر اوقیانوس، بحرالکاہل، انٹارکٹیکا اور بحرہندکے علاقوں میں دیکھا گیا

اس سورج گرہن کو رنگ آف فائر کا نام دیا گیا تھا۔

ماہرین فلکیات کے مطابق اس سورج گرہن کو رنگ آف فائر کا نام اس لیے دیا گیا کیونکہ اس دوران چاند سورج کو اپنے پیچھے مکمل چھپانے میں ناکام رہا تھا، اس لیے سورج کا بیرونی حصہ ایسے دکھائی دیا جیسے کوئی آگ کا چھلا ہو۔

سیالکوٹ بیورو رپورٹ 

غوری (حتف 5) درمیانے فاصلے تک مار کرنے والا، روڈ موبائل، مائع ایندھن سے چلنے والا بیلسٹک میزائل ہے یہ 700 کلوگرام وار ہیڈ کو 1500 کلومیٹر تک لے جا سکتا ہے🇵🇰🚨 ترجمان پاک فوج

سیالکوٹ بیورو رپورٹ 

سیالکوٹ امام علی الحق شہید کے مزار پر حاضری دینے ائے شخص پر بھکاری کے روپ میں جرائم میں ملوث شخص کا قاتلانہ حملہ

تفصییلات کے مطابق برصغیر پاک و ھند کی روحانی ہستی امام علی الحق شہید کے مزار پر منشیات

 فروشوں نے ڈیرے جما لیے جنکے خلاف انتظامیہ اور متعلقہ ایس ایچ او تماشائی کا کردار ادا کرنے لگا

 ایک منشیات نوش بگا مالشیہ نامی شخص نے دربار امام صاحب حاضری دینے آئے ہوئے شخص پر چھری

 کے وار سے حملہ کردیا حملے کے نتیجے میں حاضری دینے آئے ہوئے شخص کی چھری کے وار سے

 ناک کاٹ دی بگا نامی شخص کے خلاف معتدد بار دربار کی انتظامیہ اور مینجر محکمہ اوقاف کو شکایات

 بھی کی گئی تھی کے ایسے جرائم پیشہ عناصروں کو دربار کی حدود سے ہٹایا جائے کہیں یہ شخص کسی

 زائرین کو کوئی نقصان نہ پہنچا دے بھیکاری بن کر مانگنا اور منشیات نوشی کرنا اور چوری چاکاری کرنا

 اسکا پیشہ ھے مقامیوں کا کہنا تھا کہ ہم نے معتدد بار مینجر اوقاف سے اور دربار کی انتظامیہ کو آگاہ کیا

 تھا لیکن بھکاریوں کے روپ میں منشیات فروش اور نوش کرنے والوں کے خلاف قانونی کاروائی عمل

 میں نہ لائی جا سکی جس کا نتیجہ آج ایک زاہرین پر قاتلانہ حملہ کیا گیا جس سے اس کی ناک بے دردی

 سے کاٹ دی گئی جو کے دربار کی انتظامیہ اور منیجر اوقاف کی نااہلی کا منہ بولتا ثبوت ہے لگتا ہے

 انتظامیہ اور محکمہ اوقاف کسی بڑے سانحہ کے منتظر ہیں دربار شریف کے اردگرد کے دوکانداروں اور

 مقامیوں نے چیف ایڈمنسٹریٹر اوقاف سے نوٹس لینے کی استداعا کی ہے اور نااہل کرپٹ مینجر اوقاف کو

 فی الفور آپنے عہدے سے دستبردار کیا جائے اور متعلقہ تھانہ کے ایس ایچ او کو بھی فی الفور تبدیل کیا

 جائے جو تھانہ کے چند قدم کے مقام پر ایسے واقعات ہونا تھانہ کے لیے صرف شرم کا باعث ہے

سیالکوٹ بیورو رپورٹ

اینٹی نارکوٹکس فورس کی سیالکوٹ انٹرنیشنل ایئرپورٹ پر کاروائیاں ہیروئن بھرے کیپسول پیٹ سے برآ مد۔

 شارجہ جانے والے مسافر محمد شہزاد کے پیٹ سے 340 گرام مقدار کے 65عدد ہیروئن سے بھرے کیپسول برآ مد کر لئے ۔

تفصیلات کے مطابق ایس ایچ او تھانہ اینٹی نارکوٹکس سیالکوٹ عدنان اقبال خان کی زیر نگرانی اینٹی

 نارکوٹکس ٹیم نے سیالکوٹ انٹرنیشنل ایئرپورٹ پر سیالکوٹ سے شارجہ جانے والی پرواز میں قصور کے

 رہائشی مسافر محمد شہزاد ولد محمد نواز کے پیٹ سے 340گرام مقدار کے 65عدد  ہیروئن سے بھرے

 کیپسول برآ مد کر لئے ہیں ملزم کو حراست میں لے کر مقدمہ کا اندراج کر کے تفتیش شروع کر دی ہے ۔