سیالکوٹ بیورو رپورٹ
خدمت میں عظمت وسیم فیملی کے افکار ہیں سجاول علی وسیم
امسال اے جی ایم میں ہزاروں ممبران کی شرکت پر اللہ کے شکر گزار ہیں. محمد خالد وسیم
دی. ماڈل ٹاؤن کوآپریٹو ہائوسنگ سوسائٹی کے ممبران کی والہانہ محبتوں کے مقروض ہیں امسال اے جی ایم میں ہزاروں ممبران کی شرکت پر اللہ کے شکر گزار ہیں. بغض نفرت و گالی گلوچ ہمارا شیوا نہیں بلکہ ہماری اقدار معزز ممبران کے ساتھ باہمی محبت عزت و احترام کا فروغ اور وضع داری ہے. ان باتوں کا اظہار صدر ماڈل ٹاؤن سوسائٹی محمد سجاول علی وسیم ایڈووکیٹ و کنوینئیر سوسائٹی ھذا محمد خالد وسیم ایڈووکیٹ نے اپنی رہائش گاہ پر عمائدین شہر کے مختلف مکاتب فکر کے نمائندہ وفد کیساتھ ملاقات کے موقع پر کیا.
عمائدین شہر نے محمد خالد وسیم و عہدیداران کو اینول جنرل میٹنگ کے کامیاب انعقاد پر مبارکباد پیش کی صدر و کنوینئیر دی ماڈل ٹاؤن کوآپریٹو ہائوسنگ سوسائٹی اگوکی ماڈل ٹاؤن و گنہ کلاں نے کہا کہ وسیم فیملی نے وہ ممبران سوسائٹی ہوں یا شہر اقبال کے عوام ہمیشہ انکی توقعات پر پورا اترنے کی کوشش کی. عرصہ دراز سے دی ماڈل ٹاؤن کوآپریٹو ہائوسنگ سوسائٹی کے دونوں فیز کے معزز ممبران کی خدمت اور ڈیویلپمنٹ کے کاموں کو جاری رکھے ہوئے ہیں. اے جی ایم میں ہزاروں ممبران کی شرکت نے نئی تاریخ رقم کر دی ہے گزشتہ ادوار کی نسبت امسال معزز ممبران کی کثیر تعداد نے شرکت کی ہے. دی ماڈل ٹاؤن سوسائٹی کے سالانہ اجلاس میں سی آر گوجرانوالہ صباحت علی خان نے کوآپریٹو رجسٹرار کی نمائندگی کرتے ہوئے سپیشل ابزرورکے طور پر اجلاس میں شرکت کی جو خوش آئند ہے. اپوزیشن کی جانب سے گزشتہ سوسائٹی انتخابات میں ہارنے والے وحید بٹ ،حاجی شہزاد، حافظ ذوالفقار ،نوفل زکریا کھانڈ نے بھی اجلاس میں شرکت کی جن کا ہم نے خیر مقدم کیا.
صدر سوسائٹی سجاول علی وسیم نے کہا کہ کنوینیر اتحاد گروپ محمد خالد وسیم ایڈووکیٹ کی قیادت میں ”خدمت میں عظمت“ منشوراور”وی آر فیملی“ کے سلوگن کی پاسداری کرتے ہوئے اپنی ذمہ داریوں کو احسن طریقے سے نبھا رہے ہیں ماڈل ٹاؤن سوسائٹی فیز ون اور فیز ٹو میں بے شمار مسائل حل ہو چکے ہیں بجلی ،صاف پانی کی فراہمی، صفائی سمیت فیز ون میں سیوریج کے نظام کو انجینئرنگ کے جدید تقاضوں مطابق بنا دیا گیا ہے وقفہ سوالات کے دوران اپوزیشن گروپ کے ممبر نوفل زکریا کھانڈ نے سوالات پیش کیے جن کا جواب دیتے ہوئے کنوینیر اتحاد گروپ محمد خالد وسیم ایڈوکیٹ نے کہا کہ سوسائٹی کی ترقی کے لیے اپوزیشن نے ایک بھی آج تک اصلاحی منصوبہ سازی کے لیے کوئی بات نہیں کی بلکہ سینکڑوں تنقیدی درخواستیں دی ہیں جس سے سوسائٹی کو بے شمار نقصان ہوا ہے خدارا سوسائٹی پر رحم کھایا جائے آئیں اور ممبران کی خدمت کے اس سفر میں ہمارے ساتھ ہم قدم چلیں اور محبتوں کے سفیر بن کر کھینچا تانی کی سیاست کی بجائے سوسائٹی کی مزید بہتری کیلئے مثبت تجاویز دیں اور لوگوں کی دعائیں سمیٹیں.
سیالکوٹ بیورو رپورٹ
ایڈیشنل ڈپٹی کمشنر جنرل سید اسد رضا کاظمی نے کہا ہے کہ ڈینگی پر قابو پانے کیلئے ماحول کو مچھروں سے پاک کرنا ہوگا اس کیلئے لازم ہے کہ مچھروں کی افزائش گاہوں کی مسلسل نگرانی کی جائے اور اس کے تدارک کیلئے لاروا سائیڈنگ کی جائے، تمام سرکاری محکموں کے افسران اینڈرائڈ بیس ڈینگی ایکٹیویٹی کو یقینی بنائیں اس سلسلہ میں غفلت اور کوتاہی ہرگز برداشت نہیں کی جائیگی۔ یہ بات انہوں نے آج ڈسٹرکٹ ایمرجینسی ریسپانس کمیٹی برائے انسداد ڈینگی کے ریویو اجلاس سے خطاب کرتے ہوئے کیا۔ڈی او ہیلتھ ڈاکٹر وسیم مرزا نے بتایا کہ رواں سال اب تک ڈینگی کے 51کیس رپورٹ ہوئے ہیں جن میں 40افراد لاہور،3اسلام آباد، 1مسقط,1 عمان,2سعودی عرب اور 2گوجرانوالہ میں مقیم ہیں جبکہ صرف 2سیالکوٹ مین رہائش پذیر ہیں۔ جنوری سے مڈ نومبر تک ضلع سیالکوٹ میں ڈینگی فیور کے 10ہزار 155مشتبہ کیسسز سامنے ہیں جن میں سے 19افراد میں ڈینگی وائرس کی تصدیق ہوچکی ہے۔
سیالکوٹ بیورو رپورٹ
ڈسٹرکٹ پولیس آفیسر سیالکوٹ محمد حسن اقبال کی ہدایت پر
ایس ایچ او تھانہ ہیڈ مرالہ سب انسپیکٹر کاشف بٹ کا ایس او ایس ویلیج اسکول کھمبرانوالہ کا دورہ بے سہارا یتیم بچوں میں تحائف اور گفٹ تقسیم کیئے بچوں سے خطاب کیا
ہیڈمرالہ مرالہ ایس ایچ او تھانہ ہیڈ مرالہ کاشف بٹ کا کہنا ہے کہ اسکول میں پاکستان بھر سے 116 نادار یتیم اور بے سہارا بچے اور بچیاں زیرِ تعلیم ہیں
ڈسٹرکٹ پولیس آفیسر سیالکوٹ محمد حسن اقبال کی خصوصی ہدایات پر ایس ایچ او تھانہ ہیڈ مرالہ کاشف بٹ نے اساتذہ کرام اور اسکول انتظامیہ سے بھی ملاقات کی
سیالکوٹ بیورو رپورٹ
گورنمنٹ کالج وومن یونیورسٹی سیالکوٹ میں برادر اسلامی ملک ترکیہ کی صد سالہ تقریبات کے موقع پر سفیر ترکیہ کے اسٹاف اور طالبات کے ہمراہ گروپ فوٹو
تصویر میں سیالکوٹ ٹورزم اینڈ کلچرل فورم کے سرپرست اور چٸیرمین سیالکوٹ کلچرل سینٹر خالد لطیف بھی ہمراہ ہیں۔
سیالکوٹ بیورو رپورٹ،
این ایچ ایم پی کے افسران کی جانب سے ڈرائی پورٹ سیالکوٹ سمبڑیال میں کنٹینر ٹرمینلز پر گڈز ٹرانسپورٹ ایسوسی ایشنز کو ایکسل لوڈ کنٹرول ریجیم کے مکمل نفاذ سے متعلق بریفنگ دی گئی جس میں گڈز ٹرانسپورٹ ایسوسی ایشنز نے مقرر کردہ حد وزن کی پاسداری کرنے کی یقین دہانی کروائی
سیالکوٹ(بیورو رپورٹ)
شہر اقبال میں حکومت پنجاب کے سٹی پیکج کے تحت 6اہم شاہراہوں کی تعمیر تیزی سے جاری ہے،1ارب روپے لاگت سے تعمیراتی کام دسمبر کے وسط تک مکمل کرنے کی ہدایات جاری کی گئی ہیں،یہ تفصیلات ڈپٹی کمشنر کیپٹن (ر) شاہ میر اقبال نے بتائیں،ایکسین ہائے ویز، ایس ڈی او صائم علی نے بریفنگ دی ڈپٹی کمشنر کیپٹن (ر) شاہ میر اقبال نے بتایا کہ سٹی پیکج کے تحت چھ سڑکوں کی تعمیر پر 1091ملین روپے اخراجات کا تخمینہ ہے، نگران وزیر اعلی پنجاب سید محسن نقوی کی ہدایت پر اس منصوبے کا مقصد صنعتی لحاظ سے منفرد اہمیت کے حامل شہر سیالکوٹ میں انفراسٹرکچر کی بہتری ہے۔ ڈپٹی کمشنر نے بتایا کہ میگا پراجیکٹ کے تحت 2.85کلو میٹر طویل شہاب پورہ روڈ کا کام مکمل کیا جاچکا ہے، 3.4کلو میٹر شہاب پورہ روڈ پر 88فیصد کام مکمل ہو چکا ہے، 1.5کلو میٹر کشمیر روڈ،1.2کلو میٹر ریلو روڈ بھی تعمیر کی جا چکی ہیں، 3.4کلو میٹر خواجہ صفدر روڈ، 2.2کلو میٹر سرکلر روڈ پر کام جاری ہے جبکہ امام صاحب روڈ کی تعمیر بھی اسی منصوبے کا حصہ ہے۔ ڈپٹی کمشنر کیپٹن (ر) شاہ میر اقبال نے کہا کہ سٹی پیکج کی بروقت تکمیل کیلئے تعمیراتی کام کی روزانہ کی بنیاد پر مانیٹرنگ کی جارہی ہے، مختصر وقت میں 77فیصد کام مکمل کیا جاچکا ہے، ابتک فنانشل پراگرایس 70فیصد ہے جبکہ شہریوں کو ٹریفک مسائل سے محفوظ رکھنے پر بھرپور توجہ دی جاری ہے۔
سیالکوٹ بیورو رپورٹ
نگران وفاقی وزرات داخلہ نے ملک بھر میں پی او ایف کے علاوہ اسلحہ فروخت پر پابندی عائد کر دی
وزارت داخلہ نے باقاعدہ نوٹیفکیشن جاری کر دیا ہے ۔
پاکستان آرڈیننس فیکٹری کے علاوہ کسی بھی ڈیلر کی رسیدیں قابل قبول نہیں،
اسلحہ ڈیلرز ممنوع بور ہتھیار فروخت نہیں کر سکتے،
اسلحہ ڈیلرز لائسنس ہولڈرز کو بھی ممنوع بور ہتھیار فروخت نہیں کر سکتے،
لائسنس ہولڈرز صرف پاکستان آرڈیننس فیکٹری سے اسلحہ خرید سکتے ہیں،
لائیسنس پاکستان آرڈیننس سے خریدے گئے اسلحے کا ہی بنے گا،
پاکستان آرڈیننس فیکٹری کے علاوہ کسی ڈیلر سے خریدے گئے اسلحے کا لائسنس نہیں بنے گا۔
سیالکوٹ بیورو رپورٹ
تھانہ کوٹلی سید امیر کی حدود میں 11 سالہ بچہ قتل
بچہ شادی کی تقریب میں پیسہ لوٹنے گیا تھا علاقہ مکین
بچہ شام کو گھر واپس نہ ایا تو گھر والوں نے اسکی تلاش شروع کی
دوران تلاش گھر کے قریب ہی کچرے کے ڈھیر سے بچے کی نعش برآمد ہوئی یہ افسوس ناک
واقعہ تھانہ کوٹلی سیدامیر کے علاقہ صالح پور میں پیش آیا
واقع کی اطلاع ملتے ہی پولیس کی بھاری نفری موقع پر پہنچ گئی
بچے کی نعش کو پوسٹ مارٹم کے لیئے علامہ اقبال ٹیچنگ ہاسپٹل بھجوا دیا گیا
واقع کی تفشیش جاری جلداز جلد ملزمان کو گرفتار کرلیا جاِئے گا پولیس.
سیالکوٹ بیورو رپورٹ
پنجاب میں بہت جلد الیکٹرک بائیک پالیسی بھی متعارف کرائی جائے گی
سرکاری سطح پر فیول موٹر سائیکل خریدنے پر پابندی لگائی جارہی ہے
اب الیکٹرک بائیک ہی خریدی جائیں گی
پنجاب میں پہلی بار انوائرمینٹل لیب قائم کی جائے گی
لاہور سمیت تمام اضلاع میں غیر معیاری فیول کی چیکنگ کو تیز کر دیا ہے
محکمہء پولیس اور ٹرانسپورٹ کو غیر معیاری پپٹرول فروخت کرنے والے پمپس کے خلاف کریک ڈاؤن کا حکم دے دیا ہے
اسموگ سے متاثرہ علاقوں میں ہر پیٹرول پمپ پر فیول کی کوالٹی چیک کی جائے گی۔
سیالکوٹ بیورو رپورٹ
قانون میں انتہائی اہم تبدیلی
تعزیرات پاکستان کے دفعہ 182 کے تحت غلط طور پر اندراج مقدمہ کے قلندرہ کو ناقابلِ ضمانت قرار دے دیا گیا،
پولیس اب بلا وارنٹ گرفتاری کر سکتی ہے
نگران وفاقی حکومت کا قومی اسمبلی سے بل منظور
سیالکوٹ بیورو رپورٹ
ایڈیشنل ڈپٹی کمشنر ریونیو محمد اقبال نے کہا ہے کہ حکومت پنجاب کی مقررہ ٹائم لائن کے مطابق سیالکوٹ ٹینری زون میں ٹینریوں کی تعمیر اور منتقلی میں دلچسپی نہ لینے والے ٹینری مالکان کے خلاف تحفظ ماحولیات ایکٹ کے تحت سخت ایکشن لیا جائے گا اور ایسی تمام ٹینریوں کو بند کیا جائے گا اور ان کو مزید کام کرنے کی ہر گز اجازت نہیں دی جائے گی لہذا کارروائی سے بچنے کیلئے ٹینری زون میں فوری بلا تاخیر ٹینریوں کی تعمیر کرنا ہوگی۔ یہ بات انہوں نے آج سیالکوٹ ٹینری زون میں ٹینری کی منتقلی کیلئے اعلی سطحی کمیٹی سے خطاب کرتے ہوئے کہی۔چیئرمین سیالکوٹ ٹینری زون ملک نصیر احمد، سی ای او سیالکوٹ ٹینری زون گارنٹی لمیٹڈ احمد ذوالفقار حیات، سی او ضلع کونسل الفت شہزاد، ڈپٹی ڈائریکٹر تحفظ ماحولیات محمد ناظم ایاز، انسپکٹر ماحولیات شاہد علی، پراجیکٹ ڈائریکٹر ایس ٹی زیڈ محمد عاطف، آر ڈی زاہد صفدر اور ڈی ڈی او پنجاب سمال انڈسٹریز کارپوریشن افتخار احمد بھی اجلاس میں موجود تھے۔ایڈیشنل ڈپٹی کمشنر محمد اقبال نے کہا کہ محکمہ تحفظ ماحولیات پنجاب سیالکوٹ ٹینری زون کی 400 ایکڑ اراضی کی خریداری کیلئے 30کروڑ روپے، پنجاب سمال انڈسٹری کارپوریشن نے گرڈ اسٹیشن ، نیچرل گیس 50کروڑ روپے جبکہ منسٹری آف کامرس پاکستان نے سول ورک اور انفراسٹرکچر کیلئے 1ارب 17کروڑ روپے سافٹ لون فراہم کئے۔اب تک حکومت کی جانب سے 2ارب روپے ٹینری زون کے قیام کیلئے خرچ ہوچکے ہیں جس کا مقصد سیالکوٹ شہر میں آلودگی کا باعث بننے والے 350سے زائد ٹینریوں کو ٹینری زون میں منتقل کرنا ہے اور ایسا ماحول فراہم کرنا ہے جہان تیار ہونے والا چمڑا نیشنل و انٹر نیشنل انوائرمنٹل کوالٹی اسٹینڈرڈ کے مطابق ہو گا۔ پراجیکٹ مینیجر محمد عاطف نے سیالکوٹ ٹینری زون پراجیکٹ پر تعمیراتی کام کے بارے میں بریفنگ دیتے ہوئے بتایا کہ پراجیکٹ کی باؤنڈری وال، مین گیٹ، سائیٹ آفس، اسٹورز، فلڈ پروٹیکشن بندھ، ڈوگری نالہ iiکی گنجائش میں اضافہ اور صفائی، زون کی پلاٹینگ انٹرنل الیکٹریفیکیشن کا کام 100فیصد مکمل ہوچکا ہے جبکہ روڈ 65فیصد، 21میگا واٹ گرڈ اسٹیشن پر کام کی پراگریس 40فیصد ہوچکی ہے ہائی ٹینشن اور لو ٹینشن ٹرانسمیشن کیلئے پولز لگائے جا چکے ہیں گرڈ اسٹیشن کنٹرول روم اور ٹرانسمیشن یارڈ کا سول ورک کام مکمل ہے، سیالکوٹ ٹینری زون میں اسٹرام واٹر اور ویسٹ واٹر کیلئے الگ الگ چینلز بھی تعمیر ہوچکے ہیں۔ ٹینری کی تعمیر کا کام شروع ہوچکا ہے اس پراجیکٹ کا سب سے اہم حصہ ٹینری سے نکلنے والا کیمیکل زدہ پانی کیلئے کامن ایفلوئنٹ ٹریٹمنٹ پلانٹ کا قیام ہے جس پر سول ورک جاری ہے ، سول اسٹرایکچر کہ تعمیر پر 39کروڑ روپے لاگت آئے گی جبکہ کامن ایفلوئنٹ ٹریٹمنٹ پلانٹ کے الیکٹرومکینیکل ورکس پر 2.88یوایس ڈالر لاگت آئے گی۔
سیالکوٹ بیورو رپورٹ
ایڈیشنل ڈپٹی کمشنر جنرل سید اسد رضا کاظمی کی زیر صدارت ڈسٹرکٹ پیٹرول پمپس کمیٹی کا اجلاس منعقد ہوا۔ اجلاس میں اراکین کمیٹی نے زون مارکٹنگ آئل پرائیویٹ لمیٹڈ نے تحصیل پسرور کے موضع مانگا اور ۔ائی پیٹرولیم پرائیویٹ لمیٹڈ سوہدریکے تحصیل پسرور میں پیٹرول پمپس کے این او سی کیلئے کیسسز جائزہ لیا اور قانونی لوازمات پورے ہونے پر منظوری دے دی۔ایڈیشنل ڈپٹی کمشنر جنرل سید اسد رضا کاظمی نے کہا کہ وزیر اعلی پنجاب کے ویژن ایزی بزنس کو یقینی بنانے کیلئے پیٹرول پمپس لگانے درخواستوں کو ترجیح بنیادوں پر نمٹایا جارہا ہے اور اس وقت پیٹرول پمپس کی تنصیب کیلئے ایک بھی کیس زیر التواء نہیں تمام کیسسز کو میرٹ پر این او سی جاری کئے گئے۔
