سیالکوٹ بیورو رپورٹ
سیالکوٹ پولیس نے ڈکیتی، راہزنی اور چوری کی 28 وارداتوں میں ملوث 4 رکنی گینگ سرغنہ سمیت گرفتار کر لیا، لاکھوں روپے مالیتی مال مسروقہ، 8موٹر سائیکلیں، رقم نقدی 5 لاکھ 50 ہزار روپے، 15 قیمتی موبائل فونز اور اسلحہ ناجائز برآمد۔
تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں ڈی ایس پی سعادت علی ڈسکہ سرکل کی زیر نگرانی ایس ایچ او تھانہ ستراہ سب انسپکٹر محمد اویس نے ٹیم کے ہمراہ کاروائی عمل میں لاتے ہوئے ڈکیتی، راہزانی اور چوری کی 28 سے ذائد وارداتوں میں ملوث خطرناک 4 رکنی گینگ کو سرغنہ سمیت گرفتار کر لیا ہے۔
دوران تفتیش ملزمان کے قبضہ سے لاکھوں روپے مالیت مال مسروقہ 08 عدد موٹر سائیکلیں، ,نقدی 05 لاکھ 50 ہزار روپے، 15 عدد قیمتی موبائل فونز اور وارداتوں میں استعمال ہونے والا اسلحہ 4 عدد پسٹلز 30بور معہ متعدد گولیاں برآمد ہوئی ہیں
گرفتار ملزمان سے مزید تفتیش جاری ہے. جن سے مزید برآمدگی عمل میں لائی جائے گی
ڈی پی او سیالکوٹ محمد حسن اقبال نے پولیس ٹیم میں شامل افسران و ملازمان کو خطرناک گینگ کو گرفتار کرنے پر تعریفی سرٹفیکیٹ اور نقد انعام دینے کا اعلان کیا ہے.
سیالکوٹ بیورو رپورٹ
ڈپٹی کمشنر سیالکوٹ محمد ذوالقرنین نے کہا ہے کہ ضلع سیالکوٹ میں جاری پانچ روزہ قومی انسداد پولیو مہم کے پہلے دو روز میں پانچ سال سے کم عمر 4 لاکھ 99 ہزار 208 بچوں کو پولیو سے بچاؤ کے حفاظتی قطرے پلا دیئے گئے، 2 مارچ تک بقایا تین لاکھ بچوں کو پولیو کی قطرے پلا دیئے جائیں گے اور اس امر کو یقینی بنایا جائے کہ ضلع سیالکوٹ میں پانچ سال سے کم عمر ہر بچہ اس پولیو مہم میں لازمی کور کرلیا جائے۔ یہ بات انہوں نے جاری پولیو مہم کا جائزہ لینے کے دوران بتائی۔ اجلاس میں چاروں تحصیلوں کے اسسٹنٹ کمشنر اور محکمہ صحت کے مقامی حکام نے شرکت کی۔ ڈپٹی کمشنر نے کہا کہ تمام پولیو ٹیمیں اپنے علاقہ میں گھروں میں عدم دستیاب بچوں کا مکمل ریکارڈ رکھیں اور ان کی فزیکلی ویری فیکیشن کرکے اس امر کا یقینی بنائیں کہ اس بچے نے رواں مہم میں قطرے پی لئے ہیں۔ انہوں نے کہا کہ 29فروری اور یکم مارچ کو کیچ اپ ڈیز میں ٹیموں کا سارا فوکس مسنگ بچوں پر ہوگا اور ان کو ٹریس کرکے پولیو ویکسی نیشن کی جائے۔ انہوں کہا کہ مسنگ بچوں کا مکمل ریکارڈ رکھا جائے تاکہ بچے کسی بھی طور پر مس نہ ہوں۔انہوں نے کہا کہ محکمہ صحت اس قومی فریضہ کو پوری ایمانداری اور ذمہ داری سے انجام دے۔
سیالکوٹ (بیورورپورٹ)
ایڈیشنل ڈپٹی کمشنر جنرل سیالکوٹ سید اسد رضا کاظمی نے کہا ہے کہ بغیر ڈرگ سیل لائسنس ادویات کی خرید و فروخت کی کسی کو اجازت نہیں دی جائے گی، زائد المیعاد، ممنوعہ، ان رجسٹرڈ ادویات کی فروخت، کنٹرول ڈرگ کا ریکارڈ اور وارنٹی نہ رکھنے پر میڈیکل اسٹورز اور میڈیسن ڈسٹری بیوٹرز کے خلاف ڈرگ کنٹرول ایکٹ کے تحت کارروائی عمل میں لائی جائے گی۔ یہ بات انہوں نے ڈسٹرکٹ کوالٹی کنٹرول بورڈ سیالکوٹ کے 136 ویں اجلاس میں کیسسز کی سماعت کے دوران کہی۔ سی ای او ہیلتھ ڈاکٹر ریحان اظہر، ڈرگ کنٹرولر نائلہ رفیق، سیکرٹری ڈی سی کیو بی فرح مجید، ممبر/میڈیسن ایکسپرٹ ڈاکٹر محسن جاوید، ڈپٹی ڈرگ کنٹرولر ڈسکہ شایان رضا، ڈرگ انسپکٹرپسرور نوید سرور اور ڈرگ انسپکٹر سمبڑیال ابوبکر نے اجلاس میں شرکت کی۔ اے ڈی سی جنرل سید اسد رضا کاظمی نے کہا کہ ڈرگ انسپکٹرز باقاعدگی سے میڈیکل اسٹورز کی انسپکشن کریں اور میڈیسن کی ٹرانسپورٹیشن میں کولڈ چین اور میڈیکل اسٹورز میں مطلوبہ ٹمپریچر کو یقینی بنائے جبکہ غیر قانونی میڈیکل پریکٹس کرنے والے اتائی ڈاکٹرز کے خلاف کارروائی کریں, ڈسٹرکٹ کوالٹی کنٹرول بورڈ کے اجلاس میں بغیر ڈرگ سیل لائسنس، ممنوعہ ادویات اور کنٹرول ڈرگ کی فروخت اور ڈرگ کا ریکارڈ نہ رکھنے اور کوالیفائیڈ پرسن کی عدم دستیابی اور ادویات کی وارنٹی کی پاداش میں 38 کیسسز کی سماعت کی۔ جس میں پانچ چالان ڈرگ گوجرانوالہ بھجوا دیئے گئے جبکہ 15 کی ری انسپکشنز کرنے کی ہدایت کی جبکہ 18 کو وارننگ دی.
سیالکوٹ (بیورورپورٹ)
سیالکوٹ انٹرنیشنل اٸیرپورٹ کے ڈاٸریکٹر میاں عتیق الرحمن نے کہا ہے کہ تعلیم کو فروغ دینے کیلٸے سہولیات فراہم کرے گا, انہوں نے ان خیالات کا اظہار گورنمنٹ گرلز ہاٸیر سیکنڈری سکول ماڈل ٹاٶن سیالکوٹ کے آڈیٹوریم میں طالبات کی تقریب سے خطاب کے دوران کیا, پرنسپل حاجرہ ثروت بانیہ, الحاج شمس چوہدری, یاسر عامر اسلم, عتیق الصمد اور دیگر نے بھی خطاب کٸے, سیالکوٹ انٹرنیشنل اٸیرپورٹ کے ڈاٸریکٹر میاں عتیق الرحمن نے مزید کہا کہ تعلیمی قابلیت کے بغیر ملک و قوم ترقی نہیں کرسکتے, انہوں نے کہا کہ تعلیمی نظام کی بہتری کیلٸے بزنس مین اور ایکسپورٹرز نے بھرپور خدمات سر انجام دی ہیں اور یہ سلسلہ جاری رہے گا, میاں عتیق الرحمن نے کہا کہ طالبات نے حصول تعلیم کیلٸے مثالی جدوجہد کی ہے, طالبات نے تقریب میں مثالی خدمات سر انجام دیں اور ان میں شیلڈیں اور میڈلز تقسیم کٸے گٸے۔
سیالکوٹ (بیورورپورٹ)
ہیڈ مرالہ میں ناقص انتظامات کی وجہ سے روڈز دیکھ بھال نہ ہونے کی وجہ سے ٹوٹ پھوٹ گٸے جس کی وجہ سے مکینوں اور تاجروں کو پریشانی کا سامنا رہا, کٸی سالوں سے عوامی مطالبات کے باوجود ممبر قومی اسمبلی چوہدری ارمغان سبحانی اور رانا عارف ہرناہ کی جانب سے تعمیراتی کام نہ ہونےکی وجہ سے روڈز پر گٹروں میں گندگی اور کوڑا جانے کی وجہ سے یہ بند ہوگٸے اور گندہ پانی کھڑا ہونے سے مکینوں کو تکلیف رہی, شہریوں نے خود صفاٸی کی لیکن عوامی مطالبات پر نماٸندوں نے توجہ نہیں دی, سماجی کارکن سرور علی کے مطابق انتخابات میں خدمت کے وعدے کرنے والوں نے ہمیشہ علاقے کو نظر انداز کیا, مکینوں اور تاجروں نے تعمیراتی کام نہ ہونے پر تشویش کا اظہار کیا, مکینوں نے ہیڈمرالہ اور علاقوں کے مساٸل حل کرنے کا مطالبہ کیا۔
سیالکوٹ (بیورورپورٹ)
کینٹ کے علاقوں عسکری کالونی, گارڈن برانچ, گھنٹہ گھر چوک, مین بازار, خواجہ صفدر روڈ, کنٹونمنٹ بورڈ روڈ سمیت دوسرے علاقوں میں کنٹونمنٹ بورڈ کا عملہ صفاٸی میں مصروف رہا, پودوں اور علاقوں میں سے کچرا اور گھاس اٹھا لی گٸ اور عملہ کی نگرانی کی گٸی, تاجر طاہر بشیر کے مطابق صفاٸی کی جانب توجہ دی گٸی لیکن مکمل طور پر صفاٸی پر توجہ دی جاٸے تاکہ مساٸل مستقل حل ہوسکیں, لاری اڈا روڈ و دیگر علاقوں میں مستقل بنیادوں پر صفاٸی کی جاٸے تو مساٸل حل ہوجاٸیں گے, شہریوں اور تاجروں نے روڈز اور علاقوں میں گندگی کی وجہ بننے والوں کے خلاف کارواٸی کا مطالبہ کیا
سیالکوٹ (بیورورپورٹ)
تعلیم کے حصول کے ساتھ ہی نئی نسل معاشرے کا بہتر حصہ بن سکتی ہے, علم وہ شمع ہے جس کی روشنی میں مقدر پر چھائے اندھیرے مٹائے جا سکتے ہیں۔ان خیالات کا اظہار مرزا سجاد بیگ نے نجی کپس سکول موترہ کی افتتاحی تقریب کے دوران کیا ان کا کہنا تھا کہ نوجوان نسل مستقبل کے معمار ہیں،ان کی بہترین تعلیم و تربیت سے ہی ترقی یافتہ، مضبوط و مستحکم پاکستان کا خواب شرمندہ تعبیر کیا جاسکتا ہے۔بچوں کو تعلیم کی سہولت دینا ہم سب کی ذمہ داری ہے حصول تعلیم کے ساتھ ہی نئی نسل معاشرے کا بہتر حصہ بن سکتی ہے۔پروگرام کا باقاعدہ آغاز حمد و ثناء کے بعد قومی ترانے کے ساتھ کیا گیا, پروگرام میں سکول پرنسپل سیدہ جویریہ افضل, سکول کے ڈائریکٹرز جاصم نعیم، میاں محمد نواز ،انجینئر مرزا عثمان اور واجد عرفان کے علاوہ اسسٹنٹ ڈائریکٹر ایجوکیشن سیالکوٹ ارشدساہی، اسسٹنٹ ایجوکیشن آفیسر معاذ سلیم, صدر اے ای او ایسوسی ایشن سیالکوٹ امجد علی مہر اور سعد بٹ شامل تھے, تقریب میں آئے مہمانوں کا پھولوں کی پتیاں پھینک کر اور گلدستے پیش کر کے والہانہ استقبال کیا گیا۔تقریب کے دوران پنڈال میں بیٹھے معززین خواتین وحضرات سے دلچسپ سوالات کئے گئے اور درست جواب دینے والوں میں سکول انتظامیہ کی جانب سے نقد انعامات بھی تقسیم کئے گئے جس سے حال میں بیٹھے مہمانان گرامی اور علاقہ مکین خوب لطف اندوز ہوئے۔آخر میں تمام مہمانان گرامی میں یادگاری شیلڈ پیش کی گئیں اور سکول کی بہتری کیلئے نیک خواہشات کا اظہار بھی کیا گیا۔
سیالکوٹ (بیورورپورٹ)
آر پی او گوجرانوالہ رینج طیب حفیظ چیمہ نے رات کو تھانہ سٹی ڈسکہ میں اچانک سرپرائز وزٹ کرکے محرر تھانہ سٹی ڈسکہ شہزاد کو غفلت کی بنیاد پر معطل کردیا, طیب حفیظ چیمہ بطور ایس پی انویسٹی گیشن سیالکوٹ 2009ء میں تعینات رہے جو ایک ریٹائرڈ جسٹس حفیظ چیمہ کے صاحب زادے ہیں, 2009ء میں ایف آئی اے بلڈنگ میں خودکش دھماکہ ہوا جس کے نتیجہ میں طیب حفیظ چیمہ کی ملحقہ زاتی گھر کی عمارت کو نقصان پہنچا جس پر رحصت پر چلے گئے تھے اور طیب حفیظ چیمہ کرپشن کے خلاف زیرو ٹالرینس رکھنے والے پولیس آفیسر ہیں جو کرپشن ثابت ہونے پر سینکڑوں پولیس افسران کو سحت سزائیں دے چکے ہیں, موجودہ تعیناتی میں بھی انہوں نے پولیس افسران کو خبردار کیا ہے کہ اپنا قبلہ درست کرلیں کرپٹ اور برے رویے کے حامل پولیس افسران کی محکمہ میں کوئی جگہ نہیں۔
سیالکوٹ (بیورورپورٹ)
محکمہ پولیس میس اعلی کارکردگی پر ایس ایچ او تھانہ ستراہ اویس بسرا کو تعریفی سرٹیفیکیٹ اور نقد انعام دیا گیا, آئی جی پنجاب ڈاکٹر عثمان انور نے جنرل الیکشن پرامن کروانے اور کرائم گراف میں کمی لانے پر تعریفی سرٹیفیکٹ اور نقد انعام دینے کی ہدایت کی تھی, پولیس کے مطابق ایس ایچ او اویس بسرا ایک محنتی فرض شناس دبنگ پولیس آفیسر ہیں۔
سیالکوٹ بیورو رپورٹ
ڈپٹی کمشنر سیالکوٹ محمد ذوالقرنین نے کہا ہے کہ تنظیم شہری دفاع کے رضا کار ضلعی انتظامیہ کے دست و بازو ہیں، بہترین رضاکارانہ خدمات انجام دینے والے رضاکاروں کی بھرپور حوصلہ افزائی کی جائے گی اور ان کو سرٹیفیکیٹس دیئے جائینگے۔ یہ بات انہوں نے تنظیم شہری دفاع سیالکوٹ کے عہدیداران داران کے اجلاس سے خطاب کرتے ہوئے کیا۔ سول ڈیفنس آفیسر محمد خالد شہزاد اور چیف وارڈن تنظیم شہری دفاع طاہر مجید کپور بھی موجود تھے۔ ڈپٹی کمشنر سیالکوٹ محمد ذوالقرنین نے تنظیم شہری دفاع کے رضاکاروں کیلئے نئی یونیفارم اور ڈیوٹی کیلئے وائرلیس سیٹ کی فراہمی پر آمادگی کا اظہار کرتے ہوئے کہا کہ حکومت پنجاب کی جانب سے مستحقین میں باعزت طریقے سے گھر کی دہلیز پر راشن پیکج کی تقسیم کا سلسلہ شروع کیا گیا ہے اس سلسلہ میں تنظیم شہری دفاع کے رضاکاروں کے ذریعے لسٹوں میں شامل گھرانوں کی ویری فیکیشن کیلئے خدمات حاصل کی جائیں گی تاکہ حقدار تک باعزت طریقے سے رمضان پیکج پہنچایا جاسکے اور کسی شہری کہ عزت نفس بھی مجروح نہ ہو۔ انہوں نے کہا کہ آج کے نفسانفسی کے دور میں جو لوگ تکالیف اور مشکلات کا سامنا کرکے دوسروں کی خدمت کررہے ہیں ان کی جتنی بھی تعریف و توصیف کی جائے کم ہے، ڈپٹی کمشنر سیالکوٹ محمد ذوالقرنین نے تنظیم شہری دفاع طاہر مجید کپور کی دعوت پر 8 مارچ پر عالمی یوم شہری دفاع کی تقریب میں شرکت کو قبول کرتے ہوئے کہا کہ وہ تنظیم شہری دفاع کیلئے ہمہ وقت حاضر ہیں اور کو وہ مقام اور احترام دیا جائے گا جس کا وہ حق رکھتے ہیں۔
