سیالکوٹ (بیورورپورٹ)
تھانہ کوٹلی لوہاراں ایس ایچ او صہیب ارشد نے ہمراہ پولیس ٹیم کے کار پر لاکھوں روپے کی شراب بوتلیں لے جانے والا ملزم گرفتار کرکے بھاری مقدار میں شراب کی 72 بوتلیں برآمد کرلیں، ایس ایچ او تھانہ کوٹلی لوہاراں اور پولیس ٹیم نےدوران گشت کاروائی کرتے ہوئے مشکوک گاڑی ویگنار سے ڈرائیور عدیل کے قبضہ سے 72 بوتلیں شراب برآمد کر کے گرفتار کر لیا، ملزم کے خلاف مقدمہ درج کرکے علاقہ مجسٹریٹ کے حکم پر جوڈیشل ریمانڈ پر ڈسٹرکٹ جیل سیالکوٹ بھجوادیا۔
سیالکوٹ بیورو رپورٹ
ڈپٹی کمشنر سیالکوٹ محمد ذوالقرنین کی زیر صدارت ڈسٹرکٹ پیٹرول پمپ کمیٹی کا اجلاس ڈی سی آفس کانفرنس روم میں منعقد ہوا۔ اجلاس میں پاکستان اسٹیٹ آئل پرائیویٹ لمیٹڈ آف موضع جستروالا سیالکوٹ، زوم مارکیٹنگ آئیل پرائیویٹ لمیٹڈ آف موضع رندھیر تحصیل سمبڑیال اور الائیڈ پیٹرولیم آف موضع جھیٹی میں پیٹرول پمپس کی درخواستوں کا جائزہ لینے کے بعد ان کی منظور کرتے ہوئے این او سی کے اجراء کرنے کے احکامات جاری کردئیے گئے۔ اجلاس میں ایڈیشنل ڈپٹی کمشنر جنرل سید اسد رضا کاظمی سمیت ممبران نے اجلاس میں شرکت کی۔ ڈپٹی کمشنر محمد ذوالقرنین نے کہا کہ تمام محکموں کے مقامی حکام این او سی کیلئے درخواستوں کاجائزہ لیا کریں اور قانون کے مطابق ان کے این او سی کے بلا تاخیر اجراء کو یقینی بنائیں تاکہ معاشی سرگرمیوں کو فروغ مل سکے اور سرمایہ کاروں کی حوصلہ افزائی ہوسکے۔
سیالکوٹ (بیورورپورٹ)
وکیل کے خلاف اندراج مقدمہ اور وکلاء سے بدتمیزی کے خلاف ڈسٹرکٹ بار ایسوسی ایشن کے تحت وکلاء نے عدالتوں کا بائیکاٹ کردیا، سات ہزار سے زائد مقدمات کی سماعت نہ ہوسکی، بار رکن عرفان بھٹی ایڈووکیٹ کے مطابق وکلاء کا تحفظ نہیں کیا گیا اور وکلاء نے عدالتوں کا بائیکاٹ کیا اس لئے درج مقدمہ خارج کیا جائے اور پولیس و انتظامیہ وکلاء کا احترام کرے۔
سیالکوٹ (بیورورپورٹ)
شہر کے نجی ہوٹل میں پاکستان کی مشہور چائے کمپنی ٹپال کی تقریب میں کمپنی کے اعلیٰ افسران محمد ہارون، ندیم مغل، ملک خاور ایوب، تابش علی، حمید فارفاروق، اللہ دتہ، تنویر راو اور دیگر اعلی افسران سمیت ضلع بھر سے ڈسٹری بیوٹرز اور ٹاپ ٹریڈرز نے شرکت کی، کمپنی کی جانب سے ٹریڈرز کیلئے ہر سال چلائی جانے والی نامور اسکیم میگا ٹریڈ آفر کے سلسلے میں بیش بہاء قیمتی انعامات کی قرعہ اندازی کی گئی، کمپنی افسران کا کہنا تھا کہ مہنگائی کے اس دور میں بھی ٹپال ٹی ہمیشہ کی طرح اپنی روایت کو برقرار رکھتے ہوئے اپنے صارفین کو اپنے کمپیٹیٹرز کی نسبت کم قیمت میں اعلی معیار کی چائے فراہم کرنے میں کامیاب رہی ہے، انہوں نے مزید کہا کہ عوام چائے استعمال کریں اور ملک کی ترقی کا باعث بنیں۔
سیالکوٹ (بیورورپورٹ)
شہر کے اسلام آباد محلہ، رنگپورہ چوک سرکلر روڈ پر ٹریفک کا نظام پولیس کی غفلت و لاپرواہی سے تباہ کر رہ گیا اور گاڑیوں، کاروں اور موٹر سائیکلوں کی بندش سے ڈرائیورز اور مسافر شہری زلیل و خوار ہوگئے، تاجر محمد علی حامد کے مطابق ٹریفک کنٹرول کرنے والے پولیس اہلکار ڈیوٹی پر موجود ہونے کے باوجود ٹریفک کنٹرول نہیں کرتے، رنگ پورہ چوک، سرکلر روڈ اور محلہ اسلام آباد میں ٹریفک جام رہنے سے تاجر و ڈرائیورز و شہری پریشان ہوگئے جنہوں نے ٹریفک نظام ٹھیک کرنے کا مطالبہ کیا۔
سیالکوٹ بیورو رپورٹ
ڈپٹی انسپکٹر جنرل آف پولیس طیب حفیظ چیمہ نے ریجنل پولیس آفیسر گوجرانوالہ کے عہدے کا چارج سنبھال لیا۔
ایس ایس پی ریجن کرائم محمد شہباز،ایس پی لیگل صفدرعلی ہنجرا و دیگرافسران سمیت آفس اسٹاف نے آر پی او کا استقبال کیا
سائلین کی عزت نفس کا خیال رکھتے ہوئے اپنے رویوں اور اخلاقیات سے انہیں متاثر کریں جس سے محکمے کا وقاربلند ہوگا
ریجنل پولیس آفیسرطیب حفیظ چیمہ
گوجرانوالہ (30جنوری 2024)گوجرانوالہ میں نئے تعینات ہونے والے ریجنل پولیس آفیسرطیب حفیظ چیمہ نے اپنے عہدے کا چارج سنبھال لیا۔ایس ایس پی ریجن کرائم محمد شہباز،ایس پی لیگل صفدر علی ہنجرا و دیگرافسران سمیت آفس اسٹاف نے آر پی او کا استقبال کیا۔اس موقع پر آرپی او کا کہنا تھا کہ جرائم کی بیخ کنی،عوام الناس کو میرٹ پر انصاف کی فراہمی اور پولیس ملازمین کی ویلفیئر ترجیحات میں شامل ہے، محکمانہ امور میں غفلت اور کوتاہی ہرگز برداشت نہیں کی جائے گی۔آپ فیلڈ میں ہوں یا دفتروں میں جو سائلین اپنے مسائل آپ کے پاس لے کر آئیں ان کی عزت نفس کا خاص خیال رکھتے ہوئے ان کی فوری دادرسی کی جائے۔اپنے رویوں اور اخلاقیات سے لوگوں کو متاثر کریں جس سے محکمے کا وقاربلند ہوگا۔آر پی اونے کہا کہ شہریوں اور پولیس ملازمین کیلئے ان کے دفتر کے دروازے ہمہ وقت کھلے رہیں گے انہوں نے مزید کہا کہ پولیس سروس ایک نوکری نہیں بلکہ عوامی خدمت پر مبنی ایک لائف سٹائل ہے۔چارج سنبھالنے کے بعد ریجنل پولیس آفیسر طیب حفیظ چیمہ نے سی پی او محمد ایاز سلیم کے ہمراہ سیف سٹی پروجیکٹ گوجرانوالہ کا وزٹ کیا۔آر پی اونے سیف سٹی کی تعمیر نو کا جائزہ لیا اورتعمیراتی کاموں کو جلداز جلد مکمل کرنے کے احکامات جاری کیے اور کہا کہ سیف سٹی پروجیکٹ کی تکمیل کے بعد گوجرانوالہ میں کرائم کو کنٹرول کرنے میں مدد ملے گی۔ بعدازاں آر پی او نے سی پی او اورسی ٹی او آفس کی زیر تعمیر بلڈنگ کا جائزہ بھی لیا۔آخر میں آر پی او نے سپیشل انیشیٹو پولیس اسٹیشن صدرگوجرانوالہ کا وزٹ کیادوران وزٹ فرنٹ ڈیسک،حوالات،محرر روم اور تھانہ کے ویٹنگ ایریا کا بھی جائزہ لیا اور کہا کہ تھانہ پولیس کا بنیادی یونٹ ہے لوگوں کو انصاف پہنچانا پولیس کی اولین ترجیح میں شامل ہونا چاہیئے۔
سیالکوٹ (بیورورپورٹ)
پٹرولنگ پوسٹ گلوٹیاں موڑ نے انچارج پٹرولنگ پوسٹ گلوٹیاں موڑ سب انسپکٹر یاسر محبوب اور اہلکاروں نے جدید سافٹ ویئر کی مدد سے مختلف تھانہ جات سے ڈکیتی شدہ اور چوری شدہ دو کاریں اور دو موٹر سائیکل برآمد کر لی، علاقہ تھانہ صدر گوجرانوالہ اور شاہ شمس ملتان سے ڈکیتی شدہ اور چوری شدہ کاریں جبکہ علاقہ تھانہ کھیالی سے چوری شدہ موٹر سائیکل برآمد کر کے اصل مالکان کے حوالے کر دی جنہوں نے لاکھوں روپے مالیت کے نقصان کے ازالہ پر پولیس کا شکریہ ادا کیا، ڈسٹرک انچارج عرفان الحق سلہریا نے کہا کہ ضلع بھر میں کروڑوں روپے مالیت کی کاریں اور موٹر سائیکل برآمد کی جو کہ بلا شبہ بہت اچھی ریکوری ہے، انہوں نے کہا کہ پٹرولنگ پولیس چوبیس گھنٹے ہمہ وقت عوام کی خدمت میں مصروف عمل ہے، سافٹ وئیر کی مدد سے تھانہ کینٹ لاہور کا اشتہاری بھی قابو کر لیا، مزید مختلف مقامات پر ناکہ بندی کے دوران ڈسکہ کے شرجیل کے قبضہ سے پسٹل 9 ایم ایم گولیاں اور تین منشیات فروش کو قابو کرتے ہوئے ان کے قبضہ سے 124بوتلیں شراب جبکہ دو ملزمان سے سامان آتش بازی بھی برآمد کر لی، تمام ملزمان کے خلاف مختلف تھانہ جات میں مقدمات درج کروائے گئےسیالکوٹ (بیورورپورٹ) پٹرولنگ پوسٹ گلوٹیاں موڑ نے انچارج پٹرولنگ پوسٹ گلوٹیاں موڑ سب انسپکٹر یاسر محبوب اور اہلکاروں نے جدید سافٹ ویئر کی مدد سے مختلف تھانہ جات سے ڈکیتی شدہ اور چوری شدہ دو کاریں اور دو موٹر سائیکل برآمد کر لی، علاقہ تھانہ صدر گوجرانوالہ اور شاہ شمس ملتان سے ڈکیتی شدہ اور چوری شدہ کاریں جبکہ علاقہ تھانہ کھیالی سے چوری شدہ موٹر سائیکل برآمد کر کے اصل مالکان کے حوالے کر دی جنہوں نے لاکھوں روپے مالیت کے نقصان کے ازالہ پر پولیس کا شکریہ ادا کیا، ڈسٹرک انچارج عرفان الحق سلہریا نے کہا کہ ضلع بھر میں کروڑوں روپے مالیت کی کاریں اور موٹر سائیکل برآمد کی جو کہ بلا شبہ بہت اچھی ریکوری ہے، انہوں نے کہا کہ پٹرولنگ پولیس چوبیس گھنٹے ہمہ وقت عوام کی خدمت میں مصروف عمل ہے، سافٹ وئیر کی مدد سے تھانہ کینٹ لاہور کا اشتہاری بھی قابو کر لیا، مزید مختلف مقامات پر ناکہ بندی کے دوران ڈسکہ کے شرجیل کے قبضہ سے پسٹل 9 ایم ایم گولیاں اور تین منشیات فروش کو قابو کرتے ہوئے ان کے قبضہ سے 124بوتلیں شراب جبکہ دو ملزمان سے سامان آتش بازی بھی برآمد کر لی، تمام ملزمان کے خلاف مختلف تھانہ جات میں مقدمات درج کروائے گئے۔
سیالکوٹ (بیورورپورٹ)
بھاگو وال روڈ پر ٹرین کی ٹکر سے 25 سالہ لڑکی شدید زخمی ہوگئی، کشنے والی پھاٹک پر تیز رفتار ٹرین کی ٹکر سے کشنے والی کی زہنی توازن سے محروم 25 سالہ سعدیہ ٹرین کی پٹری کی لائنوں کے باہر والی سائیڈ پر ساتھ لیٹی ہوئی تھی جو ٹرین کے ساتھ ہٹ ہوئی اور اس کے سر اور جسم کے مختلف حصوں پر چوٹ لگی جسے شدید زخمی حالت میں ریسکیو عملہ نے طبی امداد دیتے ہوئے گورنمنٹ علامہ اقبال ٹیچنگ ہسپتال سیالکوٹ منتقل کیا جہاں ڈاکٹروں نے اس کا علاج معالجہ کیا اور ادویات دیں، پولیس واقعہ کی تفتیش میں مصروف رہی۔
سیالکوٹ (بیورورپورٹ)
کوٹلی لوہاراں کی جامعہ مسجد محبوب الرحمان کے باہر گٹروں اور نالیوں کی صفائی نہ ہونے کی وجہ سے گندہ پانی نمازیوں اور علاقہ مکینوں کیلئے مصیبت بن گیا، سماجی کارکن محمد اکبر امجد کے مطابق ٹاؤن کمیٹی کوٹلی لوہاراں کے عملہ نے عوامی شکایات کے باوجود گٹروں اور نالیوں کی صفائی نہ کی اور گندگی و کچرے کی وجہ سے گٹرز اور نالیاں بند ہوگئے تھے، قصبہ کوٹلی لوہاراں میں عوامی نمائندوں اور انتظامیہ نے کوئی کردار ادا نہ کیا ہے،مکینوں نواز احمد، عمران قادر، شریف الدین، راشد سرور نے قصبہ کوٹلی لوہاراں میں گٹروں اور نالیوں کی فوری صفائی کا مطالبہ کیا۔
سیالکوٹ (بیورورپورٹ)
ڈپٹی کمشنر سیالکوٹ محمدذوالقرنین نے تحصیل پسرور کا دورہ کیا اور گورنمنٹ ٹی ایچ کیو ہسپتال کی ایمرجنسی سمیت ہسپتال میں ادویات کی فراہمی یقینی بنانے کی ہدایت کی، انہوں نے کہا کہ لینڈ ریکارڈ سنٹر شہریوں کو بہترین سروسز یقینی بنائے، ڈپٹی کمشنر محمد ذوالقرنین نے اسسٹنٹ کمشنر دفتر کا بھی وزٹ کیا اور مختلف شعبوں میں ورکنگ کی بابت دریافت کیا اور عملہ کو عوامی مسائل کی طرف بھرپور توجہ دینے کی ہدایت کی، انہوں نے عوامی مسائل کے حل کیلئے آنے والے شہریوں سے بھی ان کی شکایات سن کر موقعہ پر ان کے حل کیلئے احکامات جاری کئے۔
سیالکوٹ (بیورورپورٹ)
پسرور کے علاقہ فقیرانوالی کے قریب موٹر سائیکل پھسل کر ٹرالی سے ٹکرانے سے 75 سالہ بزرگ جاں بحق ہوگیا، موٹر سائیکل پر جاتے ہوئے گاؤں سوہاوا کا 75 سالہ محمد صفدر پھسل کر ٹرالی سے ٹکرانے سے شدید زخمی ہوکر شدید زخمی ہوگیا اور موٹر سائیکل تباہ ہوئی، شدید زخمی محمد صفدر موقعہ پر ہی جان بحق ہو گیا جس کی نعش ورثاء کے گئے اور ٹرالی والا ڈرائیور موقعہ سے فرار ہوگیا، پولیس مصروف کاروائی رہی۔
سیالکوٹ (بیورورپورٹ)
قومی اسمبلی حلقہ این اے 73 میں مسلم لیگ (ن) کی امیدوار سیدہ نوشین افتخار نے کہا ہے کہ سابق وزیراعظم میاں نواز شریف کی قیادت میں عوام کے مسائل حل کرنے کیلئے بھرپور جدوجہد جاری ہے، ہپو گڑھا میں عوام سے خطاب کے دوران انہوں نے مزید کہا کہ ماضی میں دھاندلی اور عوامی خدمت نہ کرنے والوں کی وجہ سے مسائل بہت بڑھ چکے ہیں لیکن 8 فروری کے انتخابات میں عوام اپنا ووٹ مسلم لیگ (ن) کے امیدواروں کو کاسٹ کرکے کامیاب کروائیں گے، انہوں نے کہا کہ عمران خان اور شاہ محمود قریشی کو عدالت نے سزائیں دے کر انصاف کیا ہے، سیدہ نوشین افتخار نے کہا کہ ہمیشہ عوامی مفادات کا مسلم لیگ (ن) نے تحفظ کیا ہے۔
سیالکوٹ بیورو رپورٹ
نوجوان نسل کی اچھی تربیت ہماری ذمہ داری ہے ہمیں چاہیئے کہ نوجوان نسل کو ایک امانت کے طور پر ساتھ لیکر چلیں اور منزل مقصود تک پہنچائیں، خواجہ محمد آصف کا نجی کالج کے کانوووکیشن سے خطا سابق وزیر دفاع خواجہ محمد آصف نے کہا ہے کہ نوجوان نسل کی اچھی تربیت ہماری ذمہ داری ہے تاکہ وہ ایک بہتر اور اچھی زندگی گزار سکیں،بدقسمتی سے ماضی میں سیاستدانوں نے نوجوانوں کو اعلیٰ و ارفیٰ روایات سے روشناس نہ کرایا، ہمیں چاہیئے کہ نوجوان نسل کو معاشرے اور مذہب کی سنہری اقدار سے روشناس کرائیں، نوجوان نسل کو ایک امانت کے طور پر ساتھ لیکر چلیں اور منزل مقصود تک پہنچائیں، نوجوان نسل کو سیاسی مقاصد کے لیے استعمال نہ کریں۔ ان خیالات کا اظہار انہوں نے یہاں شاداب گرلز کالج کے دسویں کانوووکیشن کے موقع پر بطور مہمان خصوصی خطاب کرتے ہوئے کیا۔انہوں نے کہا کہ پاکستان مسلم لیگ (ن)نے اپنی حکومتوں کے ادوار میں تعلیم کی جانب بہت زیادہ توجہ دی، میاں محمد شہباز شریف نے دانش سکول بنائےاور وہ بچے جو اپنے تعلیمی اخراجات برداشت نہیں کر سکتے تھے ان کے لیے اعلیٰ تعلیم کا حصول ممکن بنایا اور لاکھوں کی تعداد میں طلباء اسکالر شپ پر ملک سے باہر بھجوائے گئے، ملک کے اندر انفارمیشن ٹیکنالوجی (آئی ٹی) کی تعلیم کو فروغ دیا گیا جو بہت بڑی کامیابیاں ہیں۔ انہوں نے کہا کہ ہمیں بحیثیت ایک قوم کے اپنا ایک نصب العین بنانا چاہیئےکہ اس معاشرے کی اقدا اور روایات کو اتنا مضبوط بنائیں کہ کوئی سیاستدان آپ کا استحصال نہ کر سکے۔ انہوں نے کہا کہ پاکستان مسلم لیگ (ن) کی حکومت نے ہی یہاں سیالکوٹ میں خواتین یونیورسٹی بنوائی تاکہ ہماری بچیاں اپنے ہی شہر میں اچھی اور بہتر تعلیم حاصل کر سکیں اور انہیں اعلیٰ تعلیم کے حصول کے لیے کسی دوسرے شہر نہ جانا پڑے، ہماری حکومت نے یہاں میڈیکل کالج بنوایا، اب ہماری کوشش ہے کہ سیالکوٹ میں انفارمیشن ٹیکنالوجی (آئی ٹی) کی یونیورسٹی بنائی جائےاور اس شہر اقبال کی برآمدات میں اضافے کے لیے اور اپنے لوگوں کو ہنر مند بنانے کے لیے ایسے ادارے بنائے جانے چاہیئں تاکہ یہاں کےبرآمدکنندگان کو اعلیٰ قسم کے ہنر مند افراد میسر ہوتاکہ وہ سیالکوٹ شہر کی برآمدات میں زیادہ سے زیادہ اضافہ کر سکیں جس سے ملکی زرمبادلہ کے زخائر میں اضافہ ہواور ہمیں خود کفالت مل سکے۔ خواجہ محمد آصف کا کہنا تھا کہ چینی زبان کی ایک مثال ہے کہ علم آپ کو دوام بخشتا ہے، اپنی دنیاوی تعلیم کے ساتھ ساتھ سب سے بڑی و ابدی کتاب قرآن کریم کی بھی زیادہ سے زیادہ تلاوت کیا کریں جسے جتنا زیادہ پڑھیں گے اتنی ہی روشنی آپ کو ملتی جائے گی، آپ کا ذہن کھلتا چلا جائے گا اور روح کو بھی تسکین حاصل ہو گی۔ انہوں نے کہا کہ میری زندگی کے جتنے سانس بھی باقی ہیں میری کوشش ہے کہ خدمت خلق میں ہی گزاروں اور اس شہر کی بہتری کے لیے کام کروں کیونکہ میرے اس شہر نے مجھے بڑی عزت دی ہےجسے کبھی بھی فراموش نہیں کر سکتااور نہ ہی میرے پاس وہ الفاظ ہیں جن سے میں اس شہر اور اس کے باسیوں کا شکریہ ادا کر سکوں۔ انہوں نے کہا کہ آپ سب نوجوانوں کا حوالہ کوئی شخصیت یا سیاستدان نہیں ہونا چاہیئے بلکہ پاکستان ہونا چاہیئے، یہ دھرتی ہونی چاہیئے ۔ پاکستان مسلم لیگ (ن) کے حلقہ پی پی 46 کے نامزد امیدوار چوہدری فیصل اکرام، سٹی صدر محمد رفیق مغل، یونیورسٹی آف سیالکوٹ کے سفیر محمد ارشد بٹ ، رانا وحید گڈو،چودھری محمود,ایڈمنسٹریٹر شاداب گرلز کالج خوشی محمد، محمد راشد و دیگر بھی اس موقع پر یہاں موجود تھے۔ ڈائریکٹر شاداب کالجز ملک عظمان اور پرنسپل مسز اقصیٰ عظمان نے معزز مہمانوں کو خوش آمدید کہا اور شاداب گرلز کالج سیالکوٹ کے دسویں کانووکیشن میں شرکت پر ان کا شکری۔
سیالکوٹ (بیورورپورٹ)
پسرور ڈسکہ موڑ کے قریب کار کی بجلی کے پول کو ٹکر میں سولہ سالہ شہری شدید زخمی ہوگیا، فیصل کالونی کا سولہ سالہ امیر معاویہ اختر جارہا تھا کہ کار تیز رفتاری کی وجہ سے زخمی بجلی کے پول سے ٹکرائی اور کار تباہ ہونے کے علاوہ امیر معاویہ اختر شدید زخمی ہو گیاجسے ریسکیو عملہ نےابتدائی طبی امداد دے کر گورنمنٹ تحصیل ہیڈ کوارٹر ہسپتال پسرور شفٹ کر دیا جہاں ڈاکٹروں نے طبی امداد دی۔
سیالکوٹ (بیورورپورٹ)
سیالکوٹ، اسلام آباد، لاہور، فیصل آباد، کوئٹہ، پشاور، کراچی، حیدر آباد سمیت تمام بینک 3 فروری سے 5 فروری تک بند رہیں گے، اس کے بعد 6 اور 7 فروری کو بینک کھلیں گے اور 8 تاریخ پھر بینک بند ہوں گے، 9 فروری جمعہ کو کھلیں گے، 10 اور 11 فروری ہفتہ اتوار کو بند رہیں گے اور انشاءاللہ 12 فروری پیر کے روز کھلیں گے، یعنی 10روز کے اندر صرف تین دن بینک کھلیں گے اور 7 دن بند رہیں گے۔
سیالکوٹ (بیورورپورٹ)
الیکشن کمیشن کی جانب سے سیالکوٹ میں ٹریننگ کا عمل مکمل کردیا گیا اور ٹریننگ کا عمل 27دسمبر سے لے کر 30 جنوری تک رہا جس میں سیالکوٹ، بڈیانہ، بجوات، ہیڈمرالہ، کوٹلی لوہاراں، گوہد پور، اگوکی، ائیرپورٹ، سمبڑیال، بیگووالہ، بمبانوالہ، ڈسکہ، ستراہ، موترہ، پسرور سمیت ضلع بھر میں 17 ہزار نو سو دس پولینگ آفیسر کو ٹرینڈ کیا گیا۔
سیالکوٹ (بیورورپورٹ)
الیکشن کمیشن آف پاکستان نے 8 فروری کو سیالکوٹ، اسلام آباد، لاہور، ملتان، کراچی، حیدر آباد، پشاور، کوئٹہ سمیت ملک بھر کے قومی و صوبائی اسمبلیوں کے انتخابات کے دوران لاکھوں پولنگ اسٹیشنوں میں موبائل فون اندر لے جانے پر پابندی لگادی، جاری کردہ نوٹیفکیشن کے مطابق پولنگ اسٹیشن کے اندر جانے والے موبائل فون نہیں لے جاسکیں گے
سیالکوٹ (بیورورپورٹ)
تھانہ کوتوالی پولیس نے پتنگ بازی کے خلاف کریک ڈاؤن کے دوران 200سو پتنگیں برآمد کرکے ملزمان کے خلاف کائٹ فلائنگ ایکٹ کے تحت مقدمہ درج کرلیا، تھانہ کوتوالی کے اے آیس آئی سجاد بن حیدر اور پولیس اہلکاروں نے دوران گشت پتنگ مافیا کے خلاف کاروائی کے دوران ملزمان عبدالمتین اور افتخار کے قبضہ سے200پتنگیں برآمد کیں، ملزمان موٹر سائیکل پر نائلون کے توڑے میں پتنگیں چھپا کر لے جا رہے تھے، ملزمان کے خلاف کائٹ فلائنگ ایکٹ کے تحت مقدمہ درج کر کے حوالات جوڈیشل بھجوا دیا گیا، ڈی پی او سیالکوٹ محمد حسن اقبال کا کہنا ہے کہ قاتل ڈور پھرنے سے متعدد قیمتی انسانی جانیں ضائع ہو چکی ہیں پتنگ مافیا کے خلاف کاروائی کا مقصد قیمتی انسانی جانوں کے ضیاع کو روکنا ہے۔
سیالکوٹ (بیورورپورٹ)
صوبائی حکومت پنجاب کی ہدایت پر ماہ جنوری کے دوران ضلع میں گرانفروشوں کے خلاف بھرپور کریک ڈاﺅن، 704 ناجائز منافع خوروں پر 35 لاکھ 30ہزار روپے جرمانہ عائد، 12 کے خلاف مقدمات درج، 63 دکانوں اور گوداموں کو سیل کیا گیا، یہ تفصیلات ڈپٹی کمشنر سیالکوٹ محمد ذوالقرنین نے رواں سال کے پہلے ماہ کے دوران پرائس کنٹرول سرگرمیوں کے حوالے سے بتائیں، ڈپٹی کمشنر نے کہا کہ چاروں تحصیلوں میں اسسٹنٹ کمشنرز سمیت 40 پرائس کنٹرول مجسٹریٹس نے مجموعی طور پر 63585 دکانوں، بازاروں، مراکز خرید و فروخت میں اشیائے خورد و نوشت کی قیمتوں پر عملدرآمد کا جائزہ لینے کیلئے انسپکشنز کیں اس دوران اوور چارجنگ، ذخیرہ اندوزی میں ملوث افراد کے خلاف فوری کاروائی عمل میں لائی گئی جبکہ متعدد دکانداروں کے خلاف تھانوں میں مقدمات درج کرائے گئے، ڈپٹی کمشنر نے بتایا کہ ماہ جنوری میں ذخیرہ اندوزی پر دو افراد، ملاوٹ پر تین ملزمان کے خلاف ایکشن لیا گیا۔ انہوں نے پرائس کنٹرول مجسٹریٹس کو ہدایت کی کہ چیکنگ کا عمل مزید موثر بنایا جائے۔
today sachi khabary news thanks for visiting Sachi khabary news
