سیالکوٹ بیورو چیف سید عارف حسین شاہ
ڈپٹی کمشنر سیالکوٹ کیپٹن (ر) شاہ میر اقبال نے کہا ہے کہ شہری اور تاجر 48 گھنٹوں کے اندر اپنی تجاوزات از خود ہٹا دیں، بصورت دیگر تجاوزات کو مسمار اور سامان ضبط کرلیا جائے گا۔ یہ بات انہوں نے آج مرکزی انجمن تاجراں، ایوان صنعت و تجارت کے نمائندگان سے انسداد تجاوزات مہم کے سلسلہ میں ایک خصوصی اجلاس سے خطاب کرتے ہوئے کیا۔ ایڈیشنل ڈپٹی کمشنر جنرل سید اسد رضا کاظمی، مرکزی انجمن تاجران کے جنرل سیکرٹری شیخ جاوید حیدر، سنئیر نائب صدر شمیم خان لودھی، صدر انجمن تاجران سیٹھی پلازہ میاں شمس، نمائندہ ایوان صنعت و تجارت رانا ندیم، سی او ضلع کونسل الفت شہزاد، سی او ایم سی ایس ملک افضل، سی او ایم سی پسرور اسد شاہ اور ٹریف انسپکٹر اسد بٹ نے شرکت کی جبکہ چاروں تحصیلوں اسسٹنٹ کمشنرز اور میونسپل کمیٹیز کے ایڈمنسٹریٹر بذریعہ وڈیو لنک شریک ہونگے۔
ڈپٹی کمشنر کیپٹن (ر) شاہ میر اقبال نے مرکزی انجمن تاجران اور ایوان صنعت و تجارت کے نمائندگان کو ہدایت کی کہ وہ ٹریفک کے بہاؤ میں رکاوٹ بننے والی تجاوزات کی نشاندھی کریں تاکہ ٹریفک کا بہاؤ یقینی بنایا جاسکے۔ ڈی سی نے ضلعی کونسل، میونسپل کارپوریشن/کمیٹی کے عملہ تہہ بازاری کو ہدایت کی کہ وہ اپنی اپنی حدود میں تجاوز کنندگان کو متنبہ کریں کہ وہ 48گھنٹے کی ڈیڈ لائن کے اندر اپنی تجاوزات رضاکارانہ طور پر ہٹا دیں بصورت دیگر کارروائی کیلئے تیار رہیں۔ انہوں نے اسسٹنٹ کمشنر اور بلدیاتی اداروں کے مقامی سربراہان کو ہدایت کی وزیر اعلی پنجاب کی ہدایت کے مطابق تجاوزات کا بلا امتیاز خاتمہ یقینی بنائیں اور کسی سے رو رعایت نہ برتی جائے۔
سیالکوٹ بیورو چیف سید عارف حسین شاہ
سیالکوٹ چیمبر آف کامرس اینڈ انڈسٹری کے سینیر نائب صدر وہاب جہانگیر سے اسٹیشن کمانڈر سیالکوٹ کینٹ نے ملاقات کی اور تبادلہ خیال کیا، انہوں نے کہا کہ کینٹ کے علاقوں میں بہتری کیلئے پاک فوج کے بھرپور اقدامات ہیں اور شہری پاک فوج پر مکمل اعتماد کرتے پیں، اسٹیشن کمانڈر سیالکوٹ کینٹ نے سیالکوٹ کینٹ کے علاقوں میں سیکورٹی انتظامات بارے آگاہ کیا اور ان سے آئندہ بھی خدمت کا سفر جاری رکھنے عزم کیا۔
سیالکوٹ بیورو چیف سید عارف حسین شاہ
سیالکوٹ کے مضافات میں شدیددھند کا راج حد نگاہ انتہائی کم ہوگئی اور ٹریفک جام ہونے سے شہری پریشان ہوگئے، تحصیل سیالکوٹ، پسرور، ڈسکہ ،سمبڑیال میں شدید دھند کی وجہ سے ٹرانسپورٹرز متاثر ہوئے، شدید دھند کے باعث ملحقہ تمام روڑز پر ٹریفک متاثر ہوئی، لاہور سے سیالکوٹ موٹر موٹروے 11 شدید دھند کے باعث بند رہی اور ٹریفک مکمل طور پر بند رہی، ڈی ایس پی ٹریفک ملک عطاء کے مطابق غیر ضروری سفر اجتناب میں ڈرائیورز فوگ لائٹس کا استعمال کریں اور ٹریفک پولیس اہلکاروں کی ڈیوٹیاں جاری ہیں۔
سیالکوٹ بیورو چیف سید عارف حسین شاہ
تھانہ ائیرپورٹ پولیس نے متاثر زہنی توازن پچاس سالہ لاوارث عورت کی مدد کردی، تھانہ ائیرپورٹ کے ایس ایچ او رانا گلزار نے پولیس اہلکاروں کے ہمراہ شہباز پورپل دریا جلال پور جٹاں کے روڈ کے پاس گھومنے والی پچاس سالہ عصمت رانی سے ملاقات کی اور اس کی غربت پر افسوس کا اظہار کرتے ہوئے مدد کی، غریب ترین عصمت اور اس کے بھائی محمد لطیف اور محمد رفیق میانہ پورہ میاں سعید کی کوٹھی کے قریب کی نشاندہی کروا رہے تھے، پولیس کی خاتون عصمت کے وارثان تلاش جاری ہے۔
سیالکوٹ بیورو چیف سید عارف حسین شاہ
سیالکوٹ میں قومی اسمبلی کے پانچ حلقوں میں مسلم لیگ (ن) اورتحریک انصاف کے امیدواروں کے درمیان بھرپور الیکشن کا امکان ظاہر کیا گیا ہے اور قومی اسمبلی کے حلقہ این اے 71 میں مسلم لیگ (ن) کے سابق وفاقی وزیر و امیدوار خواجہ آصف اور تحریک انصاف کی ریحانہ امتیاز ڈار کے درمیان سخت مقابلے کیلئے انتخابی مہم جاری ہے کیونکہ پاکستان تحریک انصاف کی امیدوار ریحانہ امتیاز ڈار کے بیٹوں عثمان ڈار اور عمر ڈار اور دوسرے بیٹے دن رات عوام سے ووٹوں کیلئے رابطوں میں ہیں، قومی اسمبلی کے حلقہ این اے 70 میں مسلم لیگ (ن) کے امیدوار سابق رکن قومی اسمبلی چوہدری ارمغان سبحانی ، پاکستان تحریک انصاف کے امیدوار سعید احمد بھلی، صاحبزادہ حامد رضا، بیرسٹر مبشر اعوان کے درمیان مقابلہ ہے جبکہ قومی اسمبلی حلقہ این اے 72 میں مسلم لیگ (ن) کے سابق رکن قومی اسمبلی علی زاہد حامد اور پاکستان تحریک انصاف کے امیدوار چوہدری غلام عباس کے درمیان سخت مقابلہ ہوگا، قومی اسمبلی حلقہ این اے 73 میں مسلم لیگ (ن) کی سابق رکن قومی اسمبلی سیدہ نوشین افتخار اور پاکستان تحریک انصاف کے امیدوار علی اسجد ملہی کے درمیان سخت مقابلے کا امکان ہے اور امیدوار عوام سے ووٹ حاصل کرنے کیلئے عوام سے رابطوں میں ہیں اور قومی اسمبلی کے حلقہ این اے 74 میں سابق رکن قومی اسمبلی رانا شمیم احمد خان اور پاکستان تحریک انصاف کے امیدوار بریگیڈیئر (ر) اسلم گھمن کے درمیان مقابلہ ہے اور ووٹروں سے رابطے جاری ہیں، قومی اسمبلی کے ضلع سیالکوٹ کے پانچ حلقوں میں دوسری جماعتوں اور آزاد امیدوار بھی ووٹوں کیلئے عوام سے رابطوں میں مصروف ہیں۔
.jpeg)
.jpeg)
