%20(1)%20(3).png)
سیالکوٹ بیورو چیف سید عارف حسین شاہ
سیالکوٹ پولیس کے زیر اہتمام یوم شہدائے پولیس “کے حوالے سے پروقار تقریب کا انعقاد ۔شہداء ہمارا فخر ہیں، قوم کے روشن کل کیلئے اپنا آج قربان کرنے والے عظیم سپوتوں کی قربانیوں کو کبھی فراموش نہیں کیا جا سکتا۔ ڈی پی او
تفصیلات کے مطابق حکومت پنجاب اور انسپکٹر جنرل آف پولیس پنجاب ڈاکٹر عثمان انور کی ہدایت پر آج 4 اگست یوم شہدائے پولیس کے حوالے سے شہدائے پولیس اور ان کی فیملیز کو خراجِ عقیدت پیش کرنے کے لیے پُر وقار تقریبات منعقد کی گئیں
گزشہ رات شہدائے پولیس کی یاد میں یاد گار شہداء پولیس لائنز اور شہر کے مختلف مقامات شہداء پولیس کی یاد میں شمعیں روشن کی گئیں.
بعد ازاں شہداء فیملیز کے اعزازمیں پروقار تقریب کا انعقاد کیا گیا،
ڈی پی او سیالکوٹ محمد حسن اقبال نے تقریب کے مہمان حصوصی سیکٹر کمانڈر رینجرز بریگیڈیئر فہد ایوب ، ایڈیشنل ڈپٹی کمشنر ریونیو ، اسسٹنٹ کمشنر صاحبان ، ایس ڈی پی او صاحبان، صدر بار کونسل ، صدر چیمبر آف کامرس، پولیس و فوج کے افسران کے ہمراہ شہداء فیملیز کا استقبال کیا، شہداء فیملیز پر پھولوں کی پتیاں نچھاور کیں
تقریب میں تلاوت کلام پاک، نعت رسول مقبول اور قومی ترانہ کے بعد سکول کے بچوں نے شاندار ٹیبلو پیش کیا شرکاء تقریب نے اپنی تقریروں کے دوران خوبصورت انداز میں شہداءکو خراج عقیدت پیش کرتے ہوئے کہا کہ شہداءکا لہو رائیگاں نہیں جائے گا ،وطن عزیر کی حفاظت کی خاطر شہداءنے اپنی لازوال قربانیاں پیش کیں ،شہید زندہ ہیں ،ہمارے دلوں میں ہماری رگوں میں ،شہداءہمار ا فخر ہیں ،پاکستان کی بقا اور سالمیت میں لاکھوں شہداء اور غازیوں کا قیمتی لہو شامل ہے،آج ارض پاک کے تحفظ کی خاطر جانیں قربان کرنے والے بہادر جوانوں کے ساتھ تجدید عہد کا دن ہے،جس مقصد کی خاطر شہداءنے اپنی جانیں قربان کیں ،اس مقصد کی تکمیل کےلئے آئندہ بھی جان دینے سے گریز نہیں کیا جائے گا.
%20(2).jpeg)
سیالکوٹ بیورو چیف سید عارف حسین شاہ
سیالکوٹ 5اگست بھارتی حکومت کی جانب سے مقبوضہ جموں و کشمیر کی خصوصی حیثیت کے قانون کے خاتمہ کے خلاف ملک بھر کی طرح ضلع سیالکوٹ میں یوم استحصال کشمیر بھرپور قومی جذبے سے منایا گیا، ضلعی انتظامیہ سیالکوٹ کے زیر اہتمام مرکزی تقریب کچہری چوک میں ایڈمنسٹریٹر میونسپل کارپوریشن/اے ڈی سی ریونیو سیالکوٹ محمد اقبال کی زیر صدارت ایک پروقار تقریب کا انعقاد کیا گیا۔ ایڈیشنل ڈپٹی کمشنر جنرل سید اسد رضا کاظمی ، اسسٹنٹ کمشنر سیالکوٹ غلام سرور، سی او ایم سی ایس ملک اعجاز، سی ای او ایجوکیشن حافظ عبد الغفور، ڈی ای سیکنڈری ایجوکیشن ملک اللہ داد، کوآرڈینیٹر ضلعی امن کمیٹی حافظ اصغر علی چیمہ، حافظ شبیر آرائیں، پروفیسرہ زیبا ظہور، ڈی او ایمرجنسی انجینئر نوید اقبال، سپرٹنڈنٹ ڈی سی کمپلیکس انور کاہلوں، انچارج وویمن کرائسسز سنٹر عمران کسانہ کے علاوہ کثیر تعداد میں اساتذہ، پروفیسرز، میونسپل کارپوریشن کے افسران اور ریسکیو 1122کے جوانوں سمیت مختلف شعبہ زندگی سے تعلق رکھنے والے افراد اور طالب علموں نے بڑی تعداد میں شرکت کی اور کشمیر یوں سے پاکستان کے والہانہ رشتے اور عقیدت کا اظہار کیا۔ شرکاء ریلی نے کشمیر بنے گا پاکستان۔۔۔ اور کشمیریوں سے رشتہ کیا لاالہ الااللہ ۔۔۔ سمیت بھارتی حکومت کے خلاف زبردست نعرے بازی کی۔
ریلی کے شرکاء نے ہاتھوں میں کشمیریوں پر بھارتی ظلم وستم پر مہذب دنیا کو نوٹس لینے کے لئے پلے کارڈ ، کشمیری اور قومی جھنڈے اور بینرز اٹھا رکھے تھے۔ ریلی کے آخر میں کشمیر کی آزادی اور ملک وقوم کی سلامتی اور استحکام کے لیے دعا کی گئی
%20(2).jpeg)
%20(1).jpeg)
